Palavańnie na ludziej na vulicach Minska - cykły zdymkaŭ, kadr za kadram
Unikalnyja kadry, zroblenyja Antonam Matolkam.
Hetyja kadry, niby ŭ zapavolenaj zdymcy, zafiksavali dva zatrymańni na vulicach Minska. Schiema taja samaja: śpiecnazaŭcy vybirajuć abjekt i z uchmyłačkami kidajucca na jaho ŭdvoch-učaćviaroch. Usiaho ŭviečary 22 červienia ŭ Biełarusi zatrymali kala 440 čałaviek, ź ich nie mienš za 200 — u stalicy.
U čatyroch dziasiatkach haradoŭ ludzi vychodziać na centralnyja płoščy kožnuju sieradu, a19-j i prosta hulajuć. U Minsku dałučylisia aŭtamabilisty. Jany pryjazdžajuć u centr i sihnalać. Ludzi patrabujuć palityčnych i ekanamičnych pieramien.
Ideja takoj niezvyčajnaj formy pratestu naradziłasia ŭ sacyjalnych sietkach.
Kali niechta vychodzić z łozunhami, jaho adrazu ž chapajuć. Tamu internaŭty prydumali: prosta vychodzić i hulać.
Pieršyja akcyi ŚMI, u tym liku i «Naša Niva», navat nie zaŭvažyli.
Zakliki na ich raspaŭsiudžvalisia tolki ŭ sacyjalnych sietkach, a vychodziła na płoščy para dziasiatkaŭ ludziej.
Adnak ideja spadabałasia svajoj prostaściu. I 15 červienia ŭ centr Minska vysypała stolki ludziej, što napałochanyja ŭłady zakryli dla vychadu stancyi mietro «Kupałaŭskaja» i «Kastryčnickaja» i zabłakavali turnikietami płoščy Kastryčnickuju i Svabody. Usio marna: ludzi mirna viesialilisia na tratuarach.
22 červienia kolkaść pratestoŭcaŭ iznoŭ vyrasła jak u Minsku, tak i ŭ Breście, Homieli, šerahu inšych haradoŭ.
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda39
Kamientary