Makiej aficyjna pradstaviŭ kalektyvu Nacbanka Ałymava — fota
Kiraŭnik Administracyi prezidenta Uładzimir Makiej aficyjna pradstaviŭ kalektyvu Nacyjanalnaha banka vykanaŭcu abaviazkaŭ staršyni praŭleńnia Juryja Ałymava. Pra heta BiełaPAN paviedamili va ŭpraŭleńni infarmacyi hałoŭnaha banka krainy.
Na pasadzie pieršaha namieśnika staršyni Nacbanka Ałymaŭ prapracavaŭ ź vieraśnia 2001 hoda. 20 červienia Alaksandr Łukašenka padpisaŭ ukaz ab jaho novym pryznačeńni. Hetaje pryznačeńnie, pavodle źviestak
Padčas pradstaŭleńnia kalektyvu 22 červienia Juryj Ałymaŭ paćvierdziŭ, što na pasadzie vykanaŭcy abaviazkaŭ kiraŭnika Nacbanka ŭ niaprostaj ekanamičnaj situacyi, jakaja skłałasia ŭ finansavaj śfiery krainy, asnoŭnym pryncypam jaho pracy zastaniecca prychilnaść da ŭzvažanaj finansavaj palityki.
«My ni ŭ jakim vypadku nie dapuścim niekiravanaha raźvićcia situacyi ni na valutnym rynku, ni na rynku depazitaŭ i kredytaŭ, ni ŭ inšych śfierach našaj adkaznaści», — skazaŭ Ałymaŭ.
Pavodle jaho słoŭ, Nacbank pavinien zrabić usio mahčymaje dla najchutčejšaha vyrašeńnia adnaho z samych važnych pytańniaŭ — naroščvańnia dziaržaŭnych zołatavalutnych reziervaŭ da ŭzroŭniu, jaki b nadziejna zabiaśpiečvaŭ ekanamičnuju biaśpieku dziaržavy. Stvareńnie takich reziervaŭ dazvolić nie tolki poŭnaściu narmalizavać pracu valutnaha rynku, ale i ŭmacuje davier da nacyjanalnaj valuty i
Jak rastłumačyli BiełaPAN va ŭpraŭleńni infarmacyi Nacbanka, u hałoŭnym banku krainy dva pieršyja namieśniki staršyni praŭleńnia i luby ź ich na pieryjad adsutnaści staršyni moža jaho zamiaščać. «Tamu hetaja pracedura pryznačeńnia vykanaŭcy abaviazkaŭ była nieabchodnaja dla taho, kab zabiaśpiečyć adzinanačalle», — skazaŭ pradstaŭnik Nacbanka. Razam z tym nazvać mahčymyja terminy viartańnia Piatra Prakapoviča na pracu paśla kursu reabilitacyi ŭ Nacbanku nie zmahli.
Piatru Prakapoviču 68 hadoŭ. Nacbank jon uznačalvaje z 1998 hoda. U studzieni hetaha hoda Alaksandr Łukašenka praciahnuŭ termin paŭnamoctvaŭ Prakapoviča na pasadzie staršyni praŭleńnia Nacyjanalnaha banka da 31 śniežnia 2015 hoda.
Kamientary