Palicejski režym va ŭsioj krasie. Akcyi pratestu vyklikajuć niepraparcyjnuju reakcyju ŭładaŭ

Siońnia akcyja ŭ stalicy prajšła ŭ novym farmacie. Zbor byŭ namiečany ŭ dzieviaci punktach horada.

21:46

Žurnalistaŭ Jahora Marcinoviča i Antona Matolku vypuścili.

Videa z aŭtazaku (Radyjo Svaboda)

21:40

U Zavodski RUUS padjechaŭ zialony mazaŭski aŭtobus «harmonik». Pryvioz 10 čałaviek. Papiarednie aŭtobus zrabiŭ ekskursiju pa rajonie, vidać, razvoziŭ ludziej.

21:03

Karespandenta «Jeŭraradyjo» Andreja Jelisiejeva zatrymali kala ŭniviersama «Vałhahrad». Taksama zatrymany žurnalist «Svabody» Aleś Daščynski.

20:48

Zatrymali pravaabaroncu Kaciarynu Sadoŭskuju na prypynku kala Akademii Navuk, paviedamlaje radyjo «Svaboda».

20:41

Frunzienski rajon (Pałac na Prytyckaha) pryjšło ad 300 da 500 čałaviek.

19:50 supracoŭniki milicyi niešta kažuć u miehafon.

U 19:55 pačali apładziravać la Ladovaha pałaca, ich padtrymali ludzi na supraćlehłym baku Prytyckaha + prajazdžajuć aŭtamabilisty. Praz 3 chviliny ich pačali adciskać ad pałaca («čałaviek» 15–20 biez apaznavalnych znakaŭ). Ludzi, nie pierastajučy plaskać u dałoni, arhanizavana pierajšli Prytyckaha i nakiravalisia ŭ bok m. Puškinskaja. Aŭtamabilisty vielmi aktyŭna ich padtrymlivali.

Praz chvilinu paśla adcisnutymi ludziej adbyŭsia epizod, jaki moh abiarnucca trahiedyjaj — chłopiec z kamieraj, uciakajučy ad hopnikaŭ, kinuŭsia praz Prytyckaha, praktyčna pad koły mašyny, ale ŭsio abyšłosia. Praz 1,5 chviliny ŭciokaŭ jaho ŭsio-taki nahnali. Ludziej pačali zatrymlivać jašče da 19:40 (kamientar na sajt).

Zatrymali žurnalista ahienctva «Interfaks» (Siarhiej Kucuk). Jaho zatrymlivali namierana: «U jaho fotaaaparat, trymaj jaho, trymaj!».

20:36

Zdymačnuju hrupu NTV adpuścili.

20:33

Kala univiermaha «Biełaruś» milicyjanty spynili maršrutku, nabili jaje ludźmi i pavieźli ŭ pastarunki.

20:30

Tytan (Minsk). Sabrałasia kala 150 čałaviek, Paplaskali — zatrymali 10 čałaviek, ludzi razychodziacca.

20:28

U Partyzanskim RUUSie znachodziacca kala 20 čałaviek.

20:27

Kala Ladovaha pałaca na Prytyckaha zatrymali zdymačnuju hrupu NTV.

20:24

80–100 čałaviek na Banhałory. Zatrymańni. U adnoj z mašynaŭ — 9 čałaviek. Ludziej pamienieła, ale nie ŭsie razychodziacca.

20:22

Univiermah Biełaruś. Sabrałasia 100–150 čałaviek, padahnali aŭtobus milicejski, zatrymlivajuć, bjuć u tvar da kryvi, sami ŭdzielniki aktyŭna adbivajucca. Kala 15–20 zatrymanych. Ludziej u cyvilnym było kala 50.

20:20

Na Kastryčnickaj usio spakojna, narodu vobmal, hebistaŭ — šmat.

Kala Pałaca sportu ŭsio spakojna. Praŭda, asoby ŭ cyvilnym rajać bolš za dva nie źbiracca.

20:17

Zatrymany namieśnik redaktara «Ježiednievnika» Andrej Aleksandrovič (kala «Hipa» ŭ Minsku).

20:11

Kala Doma kultury čyhunačnikaŭ na Čkałava na łaŭkach siadzieła 10 čałaviek. Padjechaŭ aŭtazak i ŭsich zabraŭ, astatnich razahnali.

4 čałavieki zatrymanyja na Płoščy Banhałor.

20:02

Zatrymany žurnalist «NN» Jahor Marcinovič i fotakor Anton Matolka na Prytyckaha (siadziać u aŭtobusie). Tam kala 12 zatrymanych.

Kala «Hipa» (Sierabranka) milicyja kaža, što tut zaminiravana i zahadvaje razychodzicca. Zatrymana 10 čałaviek.

Niaklajeŭ kala Pałaca sportu: «Ideja z razroźnienymi akcyjami pa horadzie — pravalnaja. Treba pravodzić supolnuju akcyju, kab ludzi adčuvali plačo adzin druhoha. Nas jašče mała, kab drabicca».

Ludzi starajucca spynicca kala Niaklajeva i pasłuchać, ludzi ŭ cyvilnym starajucca ich razahnać. Udzielnikaŭ akcyi tut kala 15 čałaviek

Jość zatrymanyja i kala «Tytana».

Kala Nacbiblijateki schapili Aleha Hruździłoviča (Radyjo Svaboda).

20:00

Biblijateka. Padjechaŭ jašče adzin busik. Pačali hruzić tudy. Astatnich vyhaniajuć.

19:59

Kala Nacbiblijateki praciahvajuć vyciskać ludziej. Padjechaŭ mikraaŭtobus, pačali tudy zahaniać ludziej, zatrymana 5 čałaviek.

19:49

Biblijateka. Ludzi pačynajuć plaskać, u hety momant milicyja pavaliła staroha mužčynu, jon nie moža ŭźniacca. Pačynajecca šturchanina.

Zatrymali jašče adnaho čałavieka i pasadzili ŭ mašynu. Pačynajuć vyciskać ludziej z pad Biblijateki. Toj mužčyna zdoleŭ padniacca.

La Pałaca na Prytyckaha — 200 čałaviek. Tut pakul usio mirna, milicyja viadzie karektna, prosić razyścisia.

Da kniharni «Śvietač» padyšoŭ Niaklajeŭ, taksama siudy padjechaŭ sini busik.

19:48

Na ct. mietro «Frunzienskaja» nieviadomyja zatrymali i siłkom zabrali ŭ busik biez numaroŭ lidara fan-ruchu FK «Dynama» Minsk — Anatola Chamienku (kamient na sajt).

19:38

La Pałaca sporta padychodziać asoby ŭ cyvilnym i pahražajuć: «Bolš za troje nie źbiracca».

Žurnalistam zabaraniajuć navat rasčachlić kamieru. Pahražajuć zatrymańniami, kali jany buduć imknucca vykonvać svaje žurnalisckija abaviazki.

50 čałaviek sabrałasia la Pałaca na Prytyckaha. Adnaho z mužčynaŭ viaduć u Pałac, babulki jaho adbivajuć. A tak usio spakojna.

Kala Biblijateki sabrałasia 40 čałaviek, padjechali dva aŭtazaki. Pres-aficery pahražajuć zatrymańniami, kali nie razyjducca. Mašyny jeduć mima i sihnalać. Ludzi stajać niepachisna.

Kala Biblijateki milicyi paboleła, padjechaŭ čałaviek na rovary. Jaho abkružyli, źniali z rovara. zakinuli ŭ aŭtazak, a rovar trymajuć u rukach.

19:32

Kala Nacbiblijateki na prypynku 5 čałaviek zaplaskali ŭ ładki, heta ludzi stałaha vieku, plaskali paru siekundaŭ, da ich nichto nie padyšoŭ. Kala samoj Biblijateki značna paboleła cicharoŭ.

Kala Ladovaha pałaca na Prytyckaha — parkoŭka zakryta. Stajać 15 čałaviek. Pakul usio spakojna.

Kala Pałaca sporta na Niamizie stajać 15 žurnalistaŭ. Ludzi ŭ cyvilnym zakryvajuć kamiery i stvarajuć pieraškody, zaklikajučy žurnalistaŭ razychodzicca.

Tym časam u Hrodnie znoŭ chapun.

19:23

Na Kastryčnickaj zatrymany fotakor Vadzim Zamiroŭski («Biełhazieta»).

U rajonie Płoščy Pieramohi — dva zialonyja mazaŭskija aŭtobusy, pakul pustyja.

U Pinsku pierakryta centralnaja płošča horada.

19:14

Na stancyi mietro «Niamiha» — spakojna, na ekranie tranślujuć BT, na łavačkach siadziać ludzi ŭ cyvilnym. Kala kartynh-trasy staić aŭtobus ź śpiecnazam. Paru milicyjantaŭ staić na vychadzie ź mietro.

Kala Nacyjanalnaj biblijateki moładź sprabavała zajmać łavy, ale patrul prapanuje im syści. Jany sychodziać. Ludziej pakul tut mała.

19:10

U dvarach na Niamizie, na vychadzie ź mietro, dzie budoŭla, stajać aŭtobusy ź milicyjaj.

19:08

Kala Makdonaldsa na Kastryčnickaj zatrymali tolki što 5 čałaviek.

19:06

Niejkija asoby kala Ratušy fiksujuć na kamiery ŭsich, chto idzie ŭ bok Niamihi.

19:03

Stajać cichary i kala Makdonaldsa na Kastryčnickaj.

19:00

Na Kastryčnickaj vielmi šmat cicharoŭ, imi ŭsio usiejana na vychadzie ź mietro (stajać čałaviek 30). Pa racyjach niešta pieradajuć pra Płošču Pieramohi.

18:59

Kastryčnickaja nie pierakryta, ale stajać cichary. Nie dazvalajuć źbiracca kampanijami, kažuć, što budzie śpiecmierapryjemstva.

18:36

Pierakrytyja dźvie pałasy praśpiekta.

18:05

La vychadaŭ sa stancyj mietro «Kastryčnickaja» i «Kupałaŭskaja» stajać «cichary» ŭ cyvilnym. U dvarach dziažurać milicejskija aŭtobusy.

Taksama aŭtazaki na Niamizie i la Ratušy. A voś kala Nacyjanalnaj biblijateki panuje supakoj i ciša. Chodzić milicejski patrul u kolkaści 2 čałaviek i samotny cichar.

***

6 lipienia ŭviečary pavinna prajści novaja akcyja «Revalucyi praz sacyjalnuju sietku». U Minsku jana maje prajści ŭ novym farmacie.

Udzielniki źbirajucca kala padjezdaŭ damoŭ, potym iduć da ŽESaŭ, a adtul u centralnuju kropku svajho rajona.

U hetych miescach udzielniki maŭklivaj akcyi płanujuć sabracca, a 20-j hadzinie. U rehijonach akcyi projduć na centralnych płoščach haradoŭ, a 19 hadzinie.

«Moŭčki znachodzimsia tam i pačynajem plaskać tolki ŭ 19:25. Trymajemsia razam», — kažuć arhanizatary akcyi.

***

U dziasiatkach biełaruskich haradoŭ ludzi pa sieradach vychodziać na centralnyja płoščy kožnuju sieradu, a 19-j i prosta hulajuć. Ludzi patrabujuć palityčnych i ekanamičnych pieramienaŭ.

Ideja takoj niezvyčajnaj formy pratestu naradziłasia ŭ sacyjalnych sietkach. Kali niechta vychodzić z łozunhami, jaho adrazu ž chapajuć. Tamu internaŭty prydumali: prosta vychodzić i hulać.

Pieršyja akcyi ŚMI, u tym liku i «Naša Niva», navat nie zaŭvažyli. Zakliki na ich raspaŭsiudžvalisia tolki ŭ sacyjalnych sietkach, a vychodziła na płoščy para dziasiatkaŭ ludziej.

22 červienia vyjšła jašče bolej ludziej — niekalki tysiač. 29 červienia ŭ Minsku centr byŭ błakavany milicyjaj, sotni čałaviek byli zatrymanyja. Estafietu padchapili Hrodna i Brest, dzie na vulicy vyjšli tysiačy čałaviek.

Taksama prajšli akcyi i 3 lipienia (niadziela), maŭklivaja akcyja pratestu ŭ Minsku na Pryvakzalnaj płoščy była žorstka razahnanaja milicyjaj. Aryštavanyja i asudžanyja da sutak bolš za 100 čałaviek. U Hrodnie byli aryštavanyja bolš za 100 čałaviek.

• 0
• 0
• 0
• 0
• 0
• 0
• 0
• 0