21-hadovy junak trapiŭ u karcar adrazu za niekalki parušeńniaŭ turemnaha režymu. Mikita trymajecca mužna.
Aktyvist Mikita Lichavid trapiŭ u karcar adrazu za niekalki parušeńniaŭ turemnaha režymu.
Advakat Darja Lipkina naviedała svajho padabaronnaha Mikitu Lichavida ŭ Navapołackaj kałonii. Da hetaha ad aktyvista ruchu «Za svabodu» bolš jak tydzień nie było viestak, i svajaki viaźnia nie vyklučali, što jon znoŭ, užo piaty raz za dva miesiacy ŭ kałonii, trapiŭ u karcar. Hetak i vyjaviłasia. Pryčym hetym razam Mikita Lichavid atrymaŭ samy vialiki termin karcaru, kaža maci aktyvista Alena:
«Jamu dali 20 sutak karcaru. Abjadnali adrazu 4 parušeńni i dali 20 sutak. Ź im bačyłasia advakat. Kazała, nie budu chavać,
što vielmi chudy, bledny, sinija kruhi pad vačyma. Ale trymajecca mužna, ni na što nie skardzicca».
Pavodle advakata, Mikitu Lichavida abmiežavali ŭ vydatkach u turemnaj kramie — dazvolili tracić na nabyćcio ježy tolki 70 tysiač rubloŭ na miesiac, choć zvyčajna viaźniam dazvalajuć tracić bolš za 200 tysiač. Taksama stała viadoma, što Mikita Lichavid tak i nie atrymaŭ banderol z rečami tualetu, jakuju jamu dasyłała raniej maci. 11 lipienia Alenie Lichavid udałosia dazvanicca da lekara, jaki rehularna naviedvaje karcar. Pavodle lekara, Mikita ni na što nie skardzicca.
***
21-hadovy aktyvist Ruchu "Za Svabodu" Mikita Lichavid byŭ asudžany ŭ sakaviku Natallaj Pykinaj z Partyzanskaha suda Minska na 3,5 hoda kałonii za ŭdzieł u "masavych biesparadkach" 19 śniežnia ŭ Minsku. Adbyvaje pakarańnie Mikita ŭ Navapołackaj kałonii.
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary