21-гадовы юнак трапіў у карцар адразу за некалькі парушэнняў турэмнага рэжыму. Мікіта трымаецца мужна.
Актывіст Мікіта Ліхавід трапіў у карцар адразу за некалькі парушэньняў турэмнага рэжыму.
Адвакат Дар’я Ліпкіна наведала свайго падабароннага Мікіту Ліхавіда ў Наваполацкай калоніі. Да гэтага ад актывіста руху «За свабоду» больш як тыдзень не было вестак, і сваякі вязня не выключалі, што ён зноў, ужо пяты раз за два месяцы ў калоніі, трапіў у карцар. Гэтак і выявілася. Прычым гэтым разам Мікіта Ліхавід атрымаў самы вялікі тэрмін карцару, кажа маці актывіста Алена:
«Яму далі 20 сутак карцару. Аб’ядналі адразу 4 парушэнні і далі 20 сутак. З ім бачылася адвакат. Казала, не буду хаваць,
што вельмі худы, бледны, сінія кругі пад вачыма. Але трымаецца мужна, ні на што не скардзіцца».
Паводле адваката, Мікіту Ліхавіда абмежавалі ў выдатках у турэмнай краме — дазволілі траціць на набыццё ежы толькі 70 тысяч рублёў на месяц, хоць звычайна вязням дазваляюць траціць больш за 200 тысяч. Таксама стала вядома, што Мікіта Ліхавід так і не атрымаў бандэроль з рэчамі туалету, якую яму дасылала раней маці. 11 ліпеня Алене Ліхавід удалося дазваніцца да лекара, які рэгулярна наведвае карцар. Паводле лекара, Мікіта ні на што не скардзіцца.
***
21-гадовы актывіст Руху "За Свабоду" Мікіта Ліхавід быў асуджаны ў сакавіку Наталляй Пыкінай з Партызанскага суда Мінска на 3,5 года калоніі за ўдзел у "масавых беспарадках" 19 снежня ў Мінску. Адбывае пакаранне Мікіта ў Наваполацкай калоніі.
Цяпер чытаюць
Лукашэнка: Абмяркоўваем з ЗША вызваленне палітвязняў11
Каментары