UUS abłvykankama pryznała fakt źbićcia miedyka i ličyć takija dziejańni abhruntavanymi.
UUS abłvykankama pryznała fakt źbićcia miedyka i ličyć takija dziejańni abhruntavanymi.
Na sajcie Upraŭleńnia ŭnutranych spraŭ Hrodzienskaha abłvykankama źjaviłasia aficyjnaje tłumačeńnie pryčyn incydentu u Vaŭkavyskaj centralnaj rajonnaj balnicy pamiž supracoŭnikami DAI i dziažurnym doktaram.
«Incydent, jaki adbyŭsia ŭ Vaŭkavyskaj centralnaj rajonnaj balnicy z udziełam supracoŭnikaŭ DAI i dziažurnaha lekara, vyklikaŭ peŭny hramadski rezanans. Niekatoryja drukavanyja i elektronnyja ŚMI, nie čakajučy pravierki i vyśviatleńnia ŭsich abstavinaŭ taho, što adbyłosia, paśpiašalisia napoŭnić incydent «šakujučymi» padrabiaznaściami. Jak vynik — skažeńnie i pierabolšańnie realnych padziej». Pa viersii hrodzienskaj milicyi, u noč na 16 lipienia ŭ narad DPS DAI UUS Hrodzienskaha abłvykankama dastaviŭ u Vaŭkavyskuju balnicu kiroŭcu, jakoha zatrymali pa padazreńni ŭ kiravańni aŭto ŭ niećviarozym stanie. Za toje samaje jaho ŭžo zatrymlivali ŭ krasaviku hetaha hoda. Pa śviedčańniach daišnikaŭ, u pryjomnym pakoi im bolš čym paŭhadziny daviałosia čakać dziažurnaha doktara, a miž inšym, adznačajecca na sajcie UUS, zhodna p.8 «Pałažeńnia ab paradku praviadzieńnia miedycynskaha ahladu inšych asob dla ŭstanaŭleńnia fakta ŭžyvańnia ałkaholu, narkatyčnych i taksikamaničnych srodkaŭ i stanu apjanieńnia» asoby, jakija padlahajuć ahladu, pavinny być dastaŭlenyja da miesca ahladu abo źjavicca samastojna nie paźniej dvuch hadzin z momantu ŭźniknieńnia akaličnaściaŭ, jakija patrabujuć jaho praviadzieńnia.
Doktar nie śpiašaŭsia vykonvać svaju pracu i ŭ inśpiektaraŭ źjaviłasia padazreńnie, što jon naŭmysna zaciahvaje praceduru pravierki zatrymanaha, kab dać mahčymaść tamu paźbiehnuć adkaznaści, havorycca ŭ aficyjnaj viersii.«Prośbu supracoŭnikaŭ DAI paskoryć praceduru ahladu dziažurny lekar ŭspryniaŭ jak asabistuju abrazu i prynižeńnie jaho prafiesijnaha ŭzroŭniu. U svaju čarhu milicyjanty sprabavali rastłumačyć nieabchodnaść zachavańnia časovych ramak. Uźnikła słaviesnaja svarka. Doktar ŭ kateharyčnaj formie zajaviŭ supracoŭnikam DAI, kab jany pakinuli pamiaškańnie, a paśla prapanavaŭ dastaŭlenamu pravaparušalniku pierajści ŭ inšy kabiniet.
Kali dziaržaŭtainśpiektar pasprabavaŭ prajści ź imi, urač staŭ jaho vyšturchoŭvać, parvaŭšy pry hetym formiennaje abmundziravańnie. U metach spynieńnia vyšejpakazanych dziejańniaŭ supracoŭnikam milicyi daviałosia prymianić fizičnuju siłu».Inśpiektaru, jakoha nibyta vyšturchoŭvaŭ lekar, u vyniku sutyčki spatrebiłasia miedyčnaja dapamoha.
Pravavaja acenka abodvum bakam kanfliktu budzie dadziena pa zaviaršeńni pravierki, jakuju pravodziać prakuratura Hrodzienskaj vobłaści i słužba ŭłasnaj biaśpieki, piša sajt UUS.
Varta adznačyć, što ŭ artykule haziety «Viečiernij Hrodno», pryśviečanym zdareńniu ŭ Vaŭkavysku, akramia viersii padziej, vykładzienych doktaram balnicy i jaho kaleh, byli źmieščanyja kamientary načalnika adździaleńnia ahitacyi i prapahandy DAI UUS Hrodzienskaha abłvykankama Jaŭhiena Dudko, načalnika śledčaha adździaleńnia Vaŭkavyskaha RAUS Alaksandra Dobaša i načalnika adździaleńnia infarmacyi i hramadskich suviaziaŭ UUS abłvykankama Hieorhija Jeŭčara, a taksama tłumačeńni, jak pavinna adbyvacca ekśpiertyza, lekara-psichijatra kabinieta ekśpiertyzy Hrodzienskaha abłasnoha centra «Psichijatryja-narkałohija» Ramana Hiermanoviča.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary