Ryhor Vasilevič admoviŭsia abmiarkoŭvać pytańnie parušeńnia pravoŭ čałavieka z apazicyjnymi palitykami.
Lidar Abjadnanaj hramadzianskaj partyi Anatol Labiedźka atrymaŭ z Hienieralnaj prakuratury Biełarusi adkaz na zvarot apazicyjnych palitykaŭ, jakija prapanoŭvali hienprakuroru Ryhoru Vasileviču abmierkavać pytańni parušeńnia pravoŭ i svabod u krainie.
«Źmiest adkazu nijak nie źviazany z tekstam našaha zvarotu. My nie prasili hienprakurora pravodzić rasśledavańnie, a prapanoŭvali sustrecca z palityčnaj apazicyjaj dla abmierkavańnia pakieta pytańniaŭ ahulnadziaržaŭnaha hučańnia, uklučajučy pravavoje biazładździe, jakoje siłaviki kultyvujuć padčas razhonu vuličnych akcyj», — zajaviŭ Labiedźka.
Nahadajem, 15 lipienia apazicyjnyja palityki prapanavali hienprakuroru, a taksama staršyniam Kanstytucyjnaha i Viarchoŭnaha sudoŭ Piatru Mikłaševiču i Valancinu Sukału abmierkavać na sumiesnaj sustrečy pytańni «tatalnaha parušeńnia pravoŭ i svabod u Biełarusi». List asabista pieradali ŭ viedamstvy Labiedźka, lidary Biełaruskaj partyi levych «Spraviadlivy śviet» Siarhiej Kalakin, kampanii «Havary praŭdu!» Uładzimir Niaklajeŭ, Partyi BNF Alaksiej Janukievič, namieśnik ruchu «Za Svabodu» Viktar Karniajenka i sustaršynia arhkamiteta partyi «Biełaruskaja chryścijanskaja demakratyja» Vital Rymašeŭski.
U liście da Vasileviča palityki zaznačajuć, što
«tysiačy ludziej u roznych rehijonach krainy zatrymlivalisia nieviadomymi ludźmi, časta ź niematyvavanym prymianieńniem siły.Ludzi pazbaŭleny mahčymaści abarony svaich pravoŭ u sudovym paradku, tamu što sudy pieratvarylisia ŭ biezdapamožny dadatak siłavych struktur».
U liście na imia Mikłaševiča vykazana «zaniepakojenaść tatalnym parušeńniem Kanstytucyi z boku siłavych struktur». «Supracoŭniki pravaachoŭnych orhanaŭ kirujucca zahadami i normami padzakonnych aktaŭ, jakija znachodziacca ŭ supiarečnaści z Asnoŭnym zakonam krainy», — havorycca ŭ pasłańni.
U liście da Sukały palityki vykazvajuć zaniepakojenaść nakont taho, što «sudy padtrymlivajuć represiŭnuju palityku ŭ dačynieńni da inšadumcaŭ, biezahavoračna stanoviačysia na bok pradstaŭnikoŭ pravaachoŭnych orhanaŭ pry razhladzie spraŭ u sudovym paradku».
«Vidavočna, u Vasileviča i Sukały jość jaŭny dyskamfort pierad sustrečaj z namiNiekatory manieŭr maje Mikłaševič, jakomu my prapanavali abmierkavać pytańni Kanstytucyi. A hienprakuror i sudździa Viarchoŭnaha suda — heta adukavanyja kvalifikavanyja jurysty, jakija cudoŭna ŭsio razumiejuć, ale abmiarkoŭvać hetyja pytańni dla ich śmierci padobna. Pryčym Vasilevič nie tolki admoviŭsia ad sustrečy, ale i schavaŭsia za śpinu načalnika adździeła pa nahladzie za vykanańniem pravoŭ i svabod hramadzian Papovaj, jakaja padpisała adkaz na zvarot. Heta pakazvaje, nakolki nizka ŭpała pravavaja sistema i jaje kiraŭniki», — zajaviŭ Labiedźka.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary