Vajtovič: Łukašenka vinavaty ŭ nieefektyŭnym vykarystańni miljardnych rasiejskich datacyj
Vializarnaja vina Łukašenki pierad Biełaruśsiu ŭ tym, što jon «štohadovyja miljardnyja rasiejskija datacyi nia vykarystaŭ efektyŭna dla madernizacyi ekanomiki». Pra heta navukoviec i palityk, akademik Vajtovič zajaviŭ u interviju infarmacyjnamu ahienctvu «Rosbałt‑Ukraina».
Vializarnaja vina Łukašenki pierad Biełaruśsiu ŭ tym, što jon «štohadovyja miljardnyja rasiejskija datacyi nia vykarystaŭ efektyŭna dla madernizacyi ekanomiki». Pra heta navukoviec i palityk, akademik Vajtovič zajaviŭ u interviju infarmacyjnamu ahienctvu «Rosbałt‑Ukraina».
Jon ličyć, što «dla Łukašenki charakternaje nievykanańnie dadzienych abiacańniaŭ i padpisanych damovaŭ. Dziŭna, što Rasiei spatrebiłasia tak bahata času, kab heta zrazumieć. Ale zrazumieŭšy, jana pačała pierachodzić na rynkavyja ŭmovy ŭ handli ź Biełaruśsiu. Hetaja sytuacyja była davoli pradkazalnaja. I vializarnaja vina Łukašenki pierad krainaj u tym, što jon štohadovyja miljardnyja rasiejskija datacyi nia vykarystaŭ efektyŭna dla madernizacyi ekanomiki».
Pavodle słovaŭ Vajtoviča, ad sioleta datacyi značna źmienšylisia, a nieŭzabavie j zusim spyniacca. «I ŭsie pabačać, što karol (čytajcie, tak zvanaja i šyroka razreklamavanaja «biełaruskaja madel» ekanomiki) hoły. Łukašenka z‑za hetaha j hublaje vytrymku i dapuskaje, miakka kažučy, niedyplamatyčnyja vykazvańni. U sytuacyi z naftaj Łukašenka imkniecca vyhladać takim «krutym», kab paśla pačać reklamnuju kampaniju svajoj persony, pierš‑napierš u Biełarusi, na matyŭ (kali krychu ŭtryravać): hladzicie, jak ja pastaviŭ na kaleni Rasieju», — kaža ekspert.
U paraŭnańni raźvićcia sytuacyi i reakcyju EZ z padziejami letašniaj t.zv. «hazavaj vajny» miž «Hazpromam» i ŭkrainskim «Naftahazam», Vajtovič adznačyŭ: «Eŭropa padtrymlivała Juščanku i nia stanie, viadoma ž, padtrymlivać Łukašenku. Jana razumieje: z hazam pytańnie vyrašanaje, vyrašycca i z naftaj».
Stanovišča ŭ Biełarusi ŭ cełym Alaksandar Vajtovič prakamentavaŭ nastupnym čynam: «Adroźnieńni ad raniejšaj sytuacyi vidavočnyja. Da isnych raniej varyjantaŭ nieabchodna dadać jašče nastupny: mahčymyja i chutkija pieramieny».
Fota Julii Daraškievič
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary