Вайтовіч: Лукашэнка вінаваты ў неэфэктыўным выкарыстаньні мільярдных расейскіх датацый
Вялізарная віна Лукашэнкі перад Беларусьсю ў тым, што ён «штогадовыя мільярдныя расейскія датацыі ня выкарыстаў эфэктыўна для мадэрнізацыі эканомікі». Пра гэта навуковец і палітык, акадэмік Вайтовіч заявіў у інтэрвію інфармацыйнаму агенцтву «Росбалт‑Украіна».
Вялізарная віна Лукашэнкі перад Беларусьсю ў тым, што ён «штогадовыя мільярдныя расейскія датацыі ня выкарыстаў эфэктыўна для мадэрнізацыі эканомікі». Пра гэта навуковец і палітык, акадэмік Вайтовіч заявіў у інтэрвію інфармацыйнаму агенцтву «Росбалт‑Украіна».
Ён лічыць, што «для Лукашэнкі характэрнае невыкананьне дадзеных абяцаньняў і падпісаных дамоваў. Дзіўна, што Расеі спатрэбілася так багата часу, каб гэта зразумець. Але зразумеўшы, яна пачала пераходзіць на рынкавыя ўмовы ў гандлі зь Беларусьсю. Гэтая сытуацыя была даволі прадказальная. І вялізарная віна Лукашэнкі перад краінай у тым, што ён штогадовыя мільярдныя расейскія датацыі ня выкарыстаў эфэктыўна для мадэрнізацыі эканомікі».
Паводле словаў Вайтовіча, ад сёлета датацыі значна зьменшыліся, а неўзабаве й зусім спыняцца. «І ўсе пабачаць, што кароль (чытайце, так званая і шырока разрэклямаваная «беларуская мадэль» эканомікі) голы. Лукашэнка з‑за гэтага й губляе вытрымку і дапускае, мякка кажучы, недыпляматычныя выказваньні. У сытуацыі з нафтай Лукашэнка імкнецца выглядаць такім «крутым», каб пасьля пачаць рэклямную кампанію сваёй пэрсоны, перш‑наперш у Беларусі, на матыў (калі крыху ўтрыраваць): глядзіце, як я паставіў на калені Расею», — кажа экспэрт.
У параўнаньні разьвіцьця сытуацыі і рэакцыю ЭЗ з падзеямі леташняй т.зв. «газавай вайны» між «Газпромам» і ўкраінскім «Нафтагазам», Вайтовіч адзначыў: «Эўропа падтрымлівала Юшчанку і ня стане, вядома ж, падтрымліваць Лукашэнку. Яна разумее: з газам пытаньне вырашанае, вырашыцца і з нафтай».
Становішча ў Беларусі ў цэлым Аляксандар Вайтовіч пракамэнтаваў наступным чынам: «Адрозьненьні ад ранейшай сытуацыі відавочныя. Да існых раней варыянтаў неабходна дадаць яшчэ наступны: магчымыя і хуткія перамены».
Фота Юліі Дарашкевіч
-
Рэжым Лукашэнкі часова стане менш агрэсіўным да суседзяў, але стратэгічна будзе імкнуцца да авалодання атамнай зброяй
-
«Знайшлі крайняга», а «паставяць салдафона якога-небудзь». У сацсетках адрэагавалі на звальненне кіраўніка «Мінсктранса»
-
Цыганкоў: Не падазраваў, што Бабарыка з'яўляецца прыхільнікам сацыялізму — мары сярэдняга чалавека
Лукашэнка знайшоў незвычайныя словы для спачування Хаменеі: «вераломная атака»27
Каментары