Sakrataryjat Sajuza biełaruskich piśmieńnikaŭ pryniaŭ zajavu, u jakim vykazaŭ "hłybokuju zaniepakojenaść losam viadomaha litaraturaznaŭca, piśmieńnika, pravaabaroncy Alesia Bialackaha".
"Ličym, što aryšt člena našaj arhanizacyi Alesia Bialackaha maje palityčna matyvavany charaktar, źviazany ź jaho pravaabarončaj dziejnaściu. Rašuča patrabujem nieadkładnaha vyzvaleńnia Alesia Bialackaha z-pad varty i spynieńnia jaho kryminalnaha pieraśledu", - havorycca ŭ zajavie SBP.
Nahadajem, vice-prezident Mižnarodnaj fiederacyi pravoŭ čałavieka, kiraŭnik začynienaha biełaruskimi ŭładami pravaabarončaha centra "Viasna" Aleś Bialacki byŭ zatrymany ŭviečary 4 žniŭnia ŭ Miensku supracoŭnikami departamienta finansavych rasśledavańniaŭ Kamiteta dziaržkantrolu. Jon padazrajecca va ŭchileńni ad vypłaty padatkaŭ, zboraŭ u asabliva bujnym pamiery (častka 2 artykuła 243 KK). Maksimalnaje pakarańnie pa hetym artykule - pazbaŭleńnie voli na siem hadoŭ z kanfiskacyjaj majomaści.