Kiraŭnictva BATE adobryła pierachod Šytava ŭ maskoŭskaje «Dynama»
«Z ulikam straty hulcom matyvacyi i adsutnaści ŭ jaho žadańnia vystupać za našu kamandu».
«Z ulikam straty hulcom matyvacyi i adsutnaści ŭ jaho žadańnia vystupać za našu kamandu».
Kiraŭnictva barysaŭskaha futbolnaha kłuba BATE adobryła pierachod abaroncy Ihara Šytava ŭ maskoŭskaje «Dynama». «Hety krok byŭ zrobleny z ulikam straty hulcom matyvacyi i adsutnaści ŭ jaho žadańnia vystupać za našu kamandu», — havorycca ŭ apublikavanym 17 žniŭni paviedamleńni barysaŭskaha kłuba. — Kiraŭnictva FK BATE vymušana było pryniać rašeńnie Ihara. Tym nie mienš my dziakujem futbalistu za jaho ŭkład u pośpiechi kłuba i žadajem jamu dalejšych pośpiechaŭ u karjery».
Za dva dni da hetaha, 15 žniŭnia, BATE abvierh paviedamleńni ab padpisańni kantrakta pamiž Šytavym i «Dynama» (Maskva). «Da zakančeńnia pajadynkaŭ raŭnda płej-of Lihi čempijonaŭ kazać pra jaki-niebudź pierachod niama nijakich padstaŭ. Zaklikajem našych zaŭziataraŭ nie źviartać uvahu na padobnyja čutki i zasiarodzicca na padrychtoŭcy da zaŭtrašniaha matču z «Šturmam», kab akazać kamandzie maksimalnuju padtrymku», — havaryłasia ŭ paviedamleńni. Adnačasova BATE infarmavaŭ, što Šytaŭ nie zmoža pryniać udzieł u pieršym matčy raŭnda płej-of Lihi čempijonaŭ suprać «Šturmu», z-za traŭmy. «Ale kłubnyja lekary robiać usio mahčymaje, kab adzin z našych viadučych futbalistaŭ zhulaŭ u subotnim matčy z FK «Homiel» i sustrečy ŝ adkaz z «Šturmam», — adznačałasia ŭ relizie.
16 žniŭnia 16 hałoŭny trenier BATE Viktar Hančarenka zajaviŭ na pres-kanfierencyi paśla hulni z aŭstryjcami (1:1), što ŭ sustrečy ŭ adkaz Šytaŭ, mahčyma, vyjdzie na pole.
Maskoŭskaje «Dynama» zajmaje treciaje miesca ŭ premjer-lizie čempijanatu Rasii.
«A što ŭ vas za prablemy? Daloka da Minska ci niekamu padvieźci?» Publičnaja pikiroŭka Łukašenki i Pašyniana7
Kamientary