Rasijski premjer daručyŭ apieratyŭna vyznačyć panižalny kaeficyjent.
Prem'jer-ministr Rasii Uładzimir Pucin daručyŭ Minenierha i «Hazpromu» pravieści pieramovy ź biełaruskimi kalehami i ŭ bližejšy čas vyznačyć «intehracyjny panižalny kaeficyjent» dla cany pastavak rasiejskaha hazu ŭ Biełaruś.
«Pryniata pryncypovaje rašeńnie, što z 2012 hoda cana na haz dla Biełarusi budzie vyznačacca
z vykarystańniem śpiecyjalnaha „intehracyjnaha panižalnaha kaeficyjenta“. Jaki pavinien być kaeficyjent, prašu ŭ samy bližejšy čas vyznačyć udzielnikam ekanamičnaj dziejnaści i Ministerstvu enierhietyki, ź biełaruskimi kalehami papracavać», — skazaŭ Uładzimir Pucin na pasiadžeńni ŭrada Rasii.
Rašeńnie ab uviadzieńni kaeficyjenta rasijski premjer ahučyŭ 15 žniŭnia pa vynikach praviedzienaha ŭ Maskvie pasiadžeńnia Savieta Ministraŭ Sajuznaj dziaržavy. Tady Uładzimir Pucin padkreśliŭ, što Rasija, prymajučy hetaje rašeńnie, zychodziła z taho, što ŭ ramkach intehracyjnych pracesaŭ baki pavinny vyjści na ŭmovy roŭnaj kankurencyi.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary