25 žniŭnia ź Minsku adbyłosia dziciačaje śviata «Maleńkaja zorka», hałoŭnaj metaj jakoha byŭ zbor srodkaŭ dla lačeńnia dvuchhadovaha Fiedzi Siedyšova z Hrodna. U małyša vielmi ciažki dyjahnaz — mukapolisacharydoz1-ha typu (sindrom Hurlera).
Nieabchodnuju apieracyju pa pierasadcy kaściavoha mozhu zhadzilisia zrabić u Izraili, raskazała mama Fiedzi Darja Siedyšova. U Biełarusi, na žal, nie ŭdałosia znajści donara. Apieracyja nie daje stopracentnaj harantyi, ale siamja vyrašyła vykarystać usie mahčymaści, raskazvaje Darja.
Košt apieracyi ŭ Izraili — 220 tysiač dalaraŭ. Častka srodkaŭ sabranaja, «astatniaja suma składaje 80 tysiač, jakija na siońnia treba sabrać siamji», udakładniła staršynia dabračynnaha fondu «Dotyk da žyćcia» Łarysa Ivaškievič.
Śviata «Maleńkaja zorka» prachodziła ŭ farmacie konkursu. Junyja madeli spaborničali ŭ demanstracyi ŭboraŭ u dźviuch uzrostavych naminacyjach: ad dvuch da piaci i ad šaści da dziesiaci hadoŭ. Na podyum taksama vyjšli mamy ź dziećmi ŭ razmalavanych ślinhach (pieraviaź dla pieranoski dziaciej).
Na śviacie prysutničali śpiecyjalnyja hości — ludzi mastactva, fatohrafy, madeljery, artysty, jakija z zadavalnieńniem razmaŭlali z budučymi «zorkami».