25 жніўня з Мінску адбылося дзіцячае свята "Маленькая зорка".
25 жніўня з Мінску адбылося дзіцячае свята «Маленькая зорка», галоўнай мэтай якога быў збор сродкаў для лячэння двухгадовага Федзі Седышова з Гродна. У малыша вельмі цяжкі дыягназ — мукаполісахарыдоз1-га тыпу (сіндром Гурлера).
Неабходную аперацыю па перасадцы касцявога мозгу згадзіліся зрабіць у Ізраілі, расказала мама Федзі Дар’я Седышова. У Беларусі, на жаль, не ўдалося знайсці донара. Аперацыя не дае стопрацэнтнай гарантыі, але сям’я вырашыла выкарыстаць усе магчымасці, расказвае Дар’я.
Кошт аперацыі ў Ізраілі — 220 тысяч даляраў. Частка сродкаў сабраная, «астатняя сума складае 80 тысяч, якія на сёння трэба сабраць сям’і», удакладніла старшыня дабрачыннага фонду «Дотык да жыцця» Ларыса Івашкевіч.
Свята «Маленькая зорка» праходзіла ў фармаце конкурсу. Юныя мадэлі спаборнічалі ў дэманстрацыі ўбораў у дзвюх узроставых намінацыях: ад двух да пяці і ад шасці да дзесяці гадоў. На подыум таксама выйшлі мамы з дзецьмі ў размаляваных слінгах (перавязь для пераноскі дзяцей).
На свяце прысутнічалі спецыяльныя госці — людзі мастацтва, фатографы, мадэльеры, артысты, якія з задавальненнем размаўлялі з будучымі «зоркамі».
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары