Apošni abvinavačany pa spravie ab masavych biesparadkach adkazaŭ na pytańni «NN».
29 žniŭnia pačaŭsia sudovy praces nad apošnim abvinavačanym pa spravie ab masavych biesparadkach Śviatasłavam Baranovičam. Ale sudździa źmianiła tolki mieru strymańnia jamu na padpisku ab niavyjeździe i pieraniesła pasiadžeńnie na 28 vieraśnia. Śviatasłaŭ adkazaŭ na pytańni «NN».
«NN»: Jak siabie adčuvajecie paśla dvuch z pałovaj miesiacaŭ, praviedzienych za kratami?
SB: Chaču skazać, što dobra, moža navat nadta dobra. Uvieś čas vychodziŭ u dvoryk na śviežaje pavietra. Sačyŭ za zdaroŭjem. Ja raniej zajmaŭsia prafiesijna boksam – tamu dla mianie heta byŭ sanatoryj.
«NN»: Była mahčymaść zajmacca fizičnaj kulturaj chacia b minimalna?
SB: Kačałak nie było. Ale padładziŭsia. Adciskaŭsia. Jość ža i inšyja praktykavańni.
Charčavańnie takoje było, što i nohi «praciahnuć» možna. Udziačny, što siastra dapamahała. Biez padtrymki z voli tam nadta ciažka. Da sukamiernikaŭ nie maju pretenzij. Pa maim vyhladzie ž vidno, što žarty sa mnoj mohuć skončycca niepryjemna dla ich.
«NN»: Raskažycie pra akaličnaści vašaha zatrymańnia.
SB: Ja sam pryjšoŭ u milicyju. Ja da hetaha ŭ ich byŭ. Mianie tady na videa źniali. I paśla vyličyli. Ja sam pryjechaŭ — a što tut chavać. Ja ž nie takoje złačynstva ździejśniŭ, kab chavać. Ułady sami ździejśnili vialikaje złačynstva, jak źbivali dziaŭčat…
«NN»: Da aryštu vy viedali, čym skončylisia sudy pa padziejach na Płoščy. Nie dumali, što i vas mohuć aryštavać?
SB: Ja čakaŭ. Byŭ hatovy. Ciahnuŭ čas, kab hrošaj zarabić, kab siastra paśla mahła mianie padtrymać.
«NN»: Siońnia prajšło pieršaje sudovaje pasiadžeńnie pa Vašaj spravie. Ci było adčuvańnie, što ruchavik represij adkručvajecca nazad?
SB: Try dni da suda ja niervavaŭsia, jakoje ŭkazańnie atrymaje sudździa. Bo razumieju, što jana ničoha nie vyrašaje. Pastaviłasia jana dobra na sudzie, u paraŭnańni ź niekatorymi inšymi pracesami.
«NN»: Śviatasłaŭ, ź jakoj metaj vychodzili na Płošču 19 śniežnia?
SB: Kab padtrymać kandydataŭ. Hałasavaŭ ja za Andreja Sańnikava. Jaho bačyŭ lidaram…
«NN»: Nie škadujecie, što vyjšli tady?
SB: Nie škaduju. Liču, što kožny čałaviek nie pavinien bajacca vykazvać svaju pazicyju.
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
-
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu
-
«Jana nie dačakała hetaha dnia, ale hety dzień dačakaŭ jaje»: Łarysie Hienijuš paśmiarotna vydali Nacyjanalny pašpart Biełarusi
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary