Advakat Bialackaha pieradaŭ u DFR bolš za 800 chadajnictvaŭ
Advakat Alesia Bialackaha pieradaŭ va ŭpraŭleńnie departamienta finansavych rasśledavańniaŭ Kamiteta dziaržkantrolu pa Minsku i Minskaj vobłaści 816 chadajnictvaŭ ab źmianieńni miery strymańnia svajmu padabaronnamu,paviedamiŭ pravaabaronca Uładzimir Łabkovič.
Pavodle jaho słoŭ, heta pieršaja padača chadajnictvaŭ, sabranych centralizavana. «Akramia hetaha, jak nam viadoma, kala sta chadajnictvaŭ za vyzvaleńnie Bialackaha byli padadzienyja hramadzianami indyvidualna», — skazaŭ Łabkovič.
Jon adznačyŭ, što siarod padadzienych siońnia chadajnictvaŭ vielmi šmat ad viadomych i aŭtarytetnych ludziej. «Heta chadajnictvy, padpisanyja češskimi dysidentami, redaktarami niedziaržaŭnych haziet Biełarusi, lidarami viadomych hramadskich abjadnańniaŭ — takich jak «Biełaruskaja asacyjacyja žurnalistaŭ» i «Biełaruski Chielsinski kamitet», «Ruch „Za Svabodu“, lidarami palityčnych partyj, hramadskich aktyvistaŭ. Možna skazać, što chadajnictvy za vyzvaleńnie Bialackaha padpisali amal usie viadomyja ŭ Biełarusi ludzi», — zajaviŭ Łabkovič.
Pavodle jaho słoŭ, kalehi Bialackaha rehularna atrymlivajuć ad jaho listy sa śledčaha izalatara № 1 u Minsku. «Bialacki trymajecca badziora, jon mocny i fizična, i maralna», — adznačyŭ Łabkovič.
Aryšt Bialackaha vyklikaŭ šyroki mižnarodny rezanans. Vyzvaleńnia pravaabaroncy zapatrabavali kiraŭnictva Jeŭrasajuza, ZŠA i inšych dziaržaŭ, pravaabarončyja struktury, viadomyja hramadskija dziejačy i palityki.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary