Mirzajanaŭ dvojčy admoviŭsia padpisvać prašeńnie ab pamiłavańni
Baćki i babula Fiodara Mirzajanava naviedali syna i ŭnuka ŭ kałonii.
Baćki i babula Fiodara Mirzajanava naviedali syna i ŭnuka ŭ kałonii «Voŭčyja nory» u Ivacevickim rajonie, dzie jon adbyvaje pakarańnie za udzieł u akcyi 19 śniežnia.
Jany paviedamili, što Fiodar trymajecca mužna, nie skardzicca, chacia umovy utrymańnia vielmi ciažkija.
Jaho sprabujuć schilić napisać prašeńnie ab pamiłavańni, adnak Fiodar admaŭlajecca:
— Kali my pryjechali, nam pryjšłosia vielmi doŭha čakać. Jon trymajecca dobra. Naohuł tam, u hetaj kałonii, znachodzicca nie tolki jon, a jašče dva palitviaźni, — usie jany pryznanyja viaźniami sumleńnia. Heta Pavieł Vinahradaŭ i Eduard Łobaŭ. Z Łobavym taksama razmaŭlali, jon admoviŭsia padpisvać papiery. Ź Fiodaram razmaŭlali dvojčy, jon dvojčy admoviŭsia padpisvać prašeńnie ab pamiłavańni. Hetyja chłopcy ŭ hetaj kałonii — usie trymajucca niepachisna.
Ctudent treciaha kursa Biełaruskaha ekanamičnaha ŭniviersiteta za udzieł u Płoščy adbyvaje pakarańnie ŭ vyhladzie troch hadoŭ pazbaŭleńnia voli.
Kamientary