Pravaabaronca Bialacki miesiac jak za kratami

Aleś Bialacki akumulavaŭ hrošy na dapamohu represavanym, źnikłym i ich siemjam. Lehalna zajmacca takoj dziejnaściu ŭ Biełarusi było niemahčyma.

Alesia Bialackaha, vice-prezidenta Mižnarodnaj fiederacyi pravoŭ čałavieka i kiraŭnika zakrytaha biełaruskimi ŭładami pravaabarončaha centra «Viasna», zatrymali 4 žniŭnia ŭ 17 hadzin u rajonie płoščy Pieramohi ŭ Minsku.

U toj ža viečar u jaho kvatery, na leciščy i ŭ ofisie centra «Viasna» prajšli vobyski, paśla čaho zatrymanaha dastavili na dopyt u departamient finansavych rasśledavańniaŭ Kamiteta dziaržkantrolu. Paśla dopytu Bialacki byŭ uziaty pad vartu.

12 žniŭnia pravaabaroncu pradjavili abvinavačańnie pavodle častki 2 artykuła 243 Kryminalnaha kodeksa (utojvańnie dachodaŭ u asabliva bujnym pamiery). Padstavaj dla raspačynańnia kryminalnaj spravy stała infarmacyja ab rachunkach Bialackaha ŭ litoŭskim i polskim bankach, pieradadzienaja biełaruskim uładam Miniustam Litvy i Hienprakuraturaj Polščy ŭ miežach dahavora ab pravavoj dapamozie ź Biełaruśsiu.

U Vilni i Varšavie zajavili, što Minsk złoŭžyŭ miechanizmam mižnarodnaj pravavoj dapamohi dla raspravy ź niepažadanym pravaabaroncam. Litva i Polšča paraprasili vybačeńnia ŭ Bialackaha i jaho rodnych, a taksama prypynili dziejańnie pahadnieńniaŭ ab pravavoj dapamozie ź Biełaruśsiu. Niekalki čynoŭnikaŭ litoŭskaha Miniusta i polskaj Hienprakuratury pazbavilisia svaich pasad.

Prezident Mižnarodnaj fiederacyi pravoŭ čałavieka Suchajr Biełchasen vystupiła z zajavaj, u jakoj rastłumačyła: srodki, što pieraličvalisia mižnarodnymi arhanizacyjami na rachunki Bialackaha, nie vykarystoŭvalisia im u asabistych metach, a išli na finansavańnie dziejnaści pravaabarončaha centra «Viasna».

U Biełarusi heta arhanizacyja vymušana dziejničać nielehalna ŭ suviazi z «represiŭnym zakanadaŭstvam, metaj jakoha źjaŭlajecca pieraśled aktyvistaŭ hramadzianskaj supolnaści»,

Aleś Bialacki utrymoŭvajecca ŭ śledčym izalatary № 1 MUS Biełarusi pa vulicy Vaładarskaha ŭ Minsku.

U departamient finansavych rasśledavańniaŭ MUS padadziena ŭžo bolš za 800 chadajnictvaŭ ab źmianieńni miery strymańnia Bialackamu z asabistymi paručycielstvami ŭ vypadku jaho vychadu ź SIZA. I heta tolki tyja chadajnictvy, što padadzieny centralizavana.

Stvorany internet-sajt u padtrymku pravaabaroncy — save-spring96.org. Tut znachodzicca infarmacyja ab kryminalnym pieraśledzie Bialackaha, jaho bijahrafija, źviestki ab pravaabarončaj dziejnaści centra «Viasna».

5 vieraśnia ŭ šerahu krain, u tym liku ŭ Armienii, Kyrhyzstanie, Rasii, Ukrainie, płanujucca akcyi ŭ padtrymku biełaruskaha pravaabaroncy, prymierkavanyja da miesiaca z momantu jaho zatrymańnia.

Vyzvaleńnia Bialackaha zapatrabavali ad aficyjnaha Minska aŭtarytetnyja mižnarodnyja pravaabarončyja arhanizacyi, kiraŭnictva Jeŭrasajuza, ZŠA i mnohich inšych krain śvietu.

• 0
• 0
• 0
• 0
• 0
• 0
• 0
• 0