Kurs dalara na biržy — 8600, jeŭra — 12100, rasijski rubiel — 305

Kurs dalara na dadatkovaj siesii zafiksavaŭsia na ŭzroŭni 8600 rubloŭ. Jeŭra zafiksavaŭsia na 12100 rublach. Rasijski rubiel zafiksavaŭsia na ŭzroŭni 305 biełaruskich rubloŭ.

Kurs jeŭra i rasijskaha rubla ŭ paraŭnańni z dalaram akazaŭsia zavyšanym proci kros-kursaŭ na suśvietnym rynku, ale takaja dyspraporcyja tłumačycca pieršym dniom pracy dadatkovaj siesii. Miechanizm udakładnieńnia kursaŭ jašče raspracoŭvajecca.

U toj ža čas zavyšany kurs rasijskaha rubla moža śviedčyć pra toje, što i kurs dalara moža jašče trochi padraści ŭ bližejšyja dni.

Adnak kurs, sfarmavany Nacbankam pa vynikach dadatkovaj siesii tarhoŭ na biržy, nielha nazvać da kanca rynkavym.

Pry katastrafična nizkaj prapanovie kurs moh uźlacieć nadzvyčaj vysoka.

Namieśnik staršyni Nacbanka Taras Nadolny zajaviŭ, što «interviencyj siońnia Nacbank nie pravodziŭ».

Pry hetym jon paćvierdziŭ, što popyt na tarhach značna, u šmat razoŭ, pieravyšaŭ prapanovu. «Prapanova pa asobnych valutach składała mienš za 5% ad siaredniedzionnaj ekspartnaj vyručki», — skazaŭ jon.

Biełaruskija banki pačali vystaŭlać rynkavyja kursy ŭ siabie ŭ abmieńnikach.

Na14.00 samy vyhadny kurs kupli vystaviŭ «Bank Maskva-Minsk» — 8600 rubloŭ za dalar.

Kuplać najlepš u «Technabanku» i «Biełśvisbanku» (pa 8600 rubloŭ).

Paźniej mnohija banki praciahvali źmianiać kurs.

* * *

Siońnia, 14 vieraśnia, paśla 11-j hadziny Biełaruskaja valutna-fondavaja birža raspačała dadatkovuju siesiju, na jakoj usie achvotnyja zmohuć kupić ci pradać valutu pa rynkavym ci adnosna rynkavym košcie.

Jak papiaredziŭ vice-premjer Siarhiej Rumas,

ułada «budzie pracavać nad tym, kab kurs, z adnaho boku, byŭ rynkavym, a ź inšaha boku, prymalnym dla subjektaŭ haspadarańnia i nasielnictva».

Pra toje, što spačatku valuta budzie darahaja, papiaredžvajuć navat pradstaŭniki ŭłady.

«Kurs budzie vyšej dziejsnaha aficyjnaha niejki pramiežak času — heta zvyčajnaja praktyka dla takoha rodu instrumienta», — adznačaje namieśnik staršyni Nacbanka Taras Nadolny.

Jość jašče adno śviedčańnie nie na karyść tannaj valuty — z 14 vieraśnia admianiajucca ŭsie abmiežavańni na vystaŭleńnie kursaŭ u abmieńnikach. Inšymi słovami, adzin bank moža pradavać dalary pa 7 tysiač rubloŭ, a druhi — za 12 tysiač. Pieršy čas roźnica moža być vialikaj, praŭda, praź niekatory čas kursy ŭsio adno zbliziacca.

Tym časam na čornym rynku na minułym tydni rubiel pačaŭ umacoŭvacca praz revalvacyjnyja čakańni. Nasielnictva spadziajecca, što zmoža kupić u abmieńnikach tannyja dalary, tamu nie idzie da valutčyka. U vyniku za minuły tydzień čorny kurs upaŭ z 8500–9000 da 7600–8000 rubloŭ. Na takim samym uzroŭni dalar trymajecca i ŭ lehalnych vilenskich abmieńnikach.

Zrešty, nie fakt, što valuta źjavicca ŭ svabodnym dostupie adrazu:

Nacbank papiaredžvaje, što pieršyja dni abmieńniki buduć pradavać tolki toje, što ludzi pryniasuć zdavać.

12 vieraśnia ŭviečary stała viadoma, što napiaredadni ŭviadzieńnia dadatkovaj siesii na biržy,

Biełaruś dla stabilizacyi kursa pazyčyła ŭ Rasii jašče $1 młrd praz «Biełaruśkalij». Novy kredyt, imavierna, dazvolić uładam adnavić valutnyja interviencyi na biržy.

Ekanamisty prahnazujuć, što novy kurs moža skłaści ad 7 da 10 tysiač rubloŭ za dalar. Ale biez valutnych ulivańniaŭ Nacbanka valuta moža nie źjavicca i pa novym kursie: zanadta vialikuju chutkaść nabraŭ machavik inflacyi. Niedavier da ŭładaŭ i devalvacyjnyja čakańni možna zaraz budzie pierabić tolki vialikimi hrašyma.

Nahadajem, što da 2009 hoda za dalar davali 2100 rubloŭ. Da viasny 2011-ha — kala 3000. Na žal,

biełaruski rubiel zajmaje stabilnaje pieršaje miesca ŭ Jeŭropie pa tempach abiasceńvańnia.

• 0
• 0
• 0
• 0
• 0
• 0
• 0
• 0