«Nivodnaha kroku ŭ bok Biełarusi ŭ ramkach „Uschodniaha partniorstva“ nie budzie da taho času, pakul nie buduć vyzvalenyja ŭsie palitviaźni», — skazaŭ kiraŭnik MZS.
Ministr zamiežnych spraŭ Urmas Paet, vystupajučy siońnia ŭ Talinie na Kanhresie biełarusaŭ Jeŭropy i ZŠA, zajaviŭ, što Estonija zaniepakojenaja parušeńniem pravoŭ čałavieka, uščamleńniem demakratyi, a taksama prablemami z realizacyjaj pryncypaŭ pravavoj dziaržavy ŭ Biełarusi.
«Palityčnych viaźniaŭ treba vyzvalić i reabilitavać. My asudžajem represii i pieraśledu pradstaŭnikoŭ hramadzianskaj supolnaści, palityčnyja pracesy suprać apazicyi i abmiežavańnie svabody presy ŭ Biełarusi», — skazaŭ kiraŭnik MZS Estonii.
Jak zajaviŭ Paet, Jeŭrapiejski sajuz nie zrobić
nivodnaha kroku ŭ bok Biełarusi ŭ ramkach prahramy «Uschodniaha partniorstva» da taho času, pakul u hetaj krainie nie buduć vyzvalenyja ŭsie palitviaźni.
Paet adznačyŭ, što dalejšaje demakratyčnaje raźvićcio Biełarusi moža być zabiaśpiečana tolki na šlachu ŭmacavańnia hramadzianskaj supolnaści i pryncypaŭ pravavoj dziaržavy.
«Tamu ŭ dačynieńni da biełaruskaha režymu, jaki abmiažoŭvaje pravy čałavieka i hramadzianskija svabody, i ŭviedzieny mižnarodnyja sankcyi. Hetyja sankcyi nakiravanyja tolki suprać režymu, a nie suprać hramadzian», — adznačyŭ estonski ministr.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary