«Ніводнага кроку ў бок Беларусі ў рамках „Усходняга партнёрства“ не будзе да таго часу, пакуль не будуць вызваленыя ўсе палітвязні», — сказаў кіраўнік МЗС.
Міністр замежных спраў Урмас Паэт, выступаючы сёння ў Таліне на Кангрэсе беларусаў Еўропы і ЗША, заявіў, што Эстонія занепакоеная парушэннем правоў чалавека, ушчамленнем дэмакратыі, а таксама праблемамі з рэалізацыяй прынцыпаў прававой дзяржавы ў Беларусі.
«Палітычных вязняў трэба вызваліць і рэабілітаваць. Мы асуджаем рэпрэсіі і пераследу прадстаўнікоў грамадзянскай супольнасці, палітычныя працэсы супраць апазіцыі і абмежаванне свабоды прэсы ў Беларусі», — сказаў кіраўнік МЗС Эстоніі.
Як заявіў Паэт, Еўрапейскі саюз не зробіць
ніводнага кроку ў бок Беларусі ў рамках праграмы «Усходняга партнёрства» да таго часу, пакуль у гэтай краіне не будуць вызваленыя ўсе палітвязні.
Паэт адзначыў, што далейшае дэмакратычнае развіццё Беларусі можа быць забяспечана толькі на шляху ўмацавання грамадзянскай супольнасці і прынцыпаў прававой дзяржавы.
«Таму ў дачыненні да беларускага рэжыму, які абмяжоўвае правы чалавека і грамадзянскія свабоды, і ўведзены міжнародныя санкцыі. Гэтыя санкцыі накіраваныя толькі супраць рэжыму, а не супраць грамадзян», — адзначыў эстонскі міністр.
Каментары