Za šeść hadoŭ jany pradali ŭ seksualnaje rabstva 600 biełarusak.
U aŭtorak u Hramadzkim pres‑centry Doma presy prajšoŭ kruhły stoł pa prablemach supraćdziejańnia handlu ludźmi. Padčas pasiadžeńnia namieśnik načalnika upraŭleńnia pa narkantroli i supraćdziejańni handlu ludźmi Ministerstva ŭnutranych spraŭ Siarhiej Kałtun paviedamiŭ, što ciapier u sudzie razhladajecca sprava kiraŭnikoŭ šerahu biełaruskich madelnych ahienctvaŭ.
Kiraŭniki 13 madelnych ahienctvaŭ, što prachodziać pa spravie ŭ jakaści abvinavačanych, uvachodzili ŭ skład mižnarodnaha złačynnaha syndykatu. Pavodle źviestak śledstva, jahonyja ŭdzielniki pradali ŭ inšyja krainy kala 600 biełaruskich dziaŭčat. Dziaŭčaty traplali ŭ Francyju, Turcyju, Abjadnanyja Arabskija Emiraty. Złačynnuju dziejnaść arhanizacyja viała z 2000 pa 2005 hod.
«Aktyvizacyja dziejnaści pravaachoŭčych orhanaŭ i bolš žorstkaje kryminalnaje zakanadaŭstva prymušajuć złačyncaŭ u hetaj sfery pierabudoŭvacca, šukać novyja bolš daskanałyja, zakanśpiravanyja formy handlu», ‑ zaznačyŭ pradstaŭnik MUS. Naprykład, paśla ŭviadzieńnia bolš žorstkaha vizavaha režymu dla ŭjezdu na terytoryju krain EZ, złačynnyja arhanizacyi dla vyvazu žančyn stali vykarystoŭvać šlubnyja i madelnyja ahienctvy.
Siarod inšych sučasnych formaŭ handlu ludźmi Siarhiej Kałtun nazvaŭ taksama akazańnie eskort‑pasłuh bahatym hramadzianam. U hetaj sfery złačyncy dziejničajuć u kirunku Rasiei i krain EZ.
U jakaści prykładu pradstaŭnik MUS pryvioŭ spravu žycharki Mienska, jakaja taksama razhladajecca ciapier u sudzie. Pad prykryćciom žančyna vyvoziła ŭ Rasieju hrupy dziaŭčat, jaki potym akazvali intymnyja pasłuhi bahatym biznesoŭcam.
Ilustracyja z sajtu amnesty-goettingen.de
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary