За шэсьць гадоў яны прадалі ў сэксуальнае рабства 600 беларусак.
У аўторак у Грамадзкім прэс‑цэнтры Дома прэсы прайшоў круглы стол па праблемах супрацьдзеяньня гандлю людзьмі. Падчас пасяджэньня намесьнік начальніка упраўленьня па наркантролі і супрацьдзеяньні гандлю людзьмі Міністэрства ўнутраных спраў Сяргей Калтун паведаміў, што цяпер у судзе разглядаецца справа кіраўнікоў шэрагу беларускіх мадэльных агенцтваў.
Кіраўнікі 13 мадэльных агенцтваў, што праходзяць па справе ў якасьці абвінавачаных, уваходзілі ў склад міжнароднага злачыннага сындыкату. Паводле зьвестак сьледства, ягоныя ўдзельнікі прадалі ў іншыя краіны каля 600 беларускіх дзяўчат. Дзяўчаты траплялі ў Францыю, Турцыю, Аб’яднаныя Арабскія Эміраты. Злачынную дзейнасьць арганізацыя вяла з 2000 па 2005 год.
«Актывізацыя дзейнасьці праваахоўчых органаў і больш жорсткае крымінальнае заканадаўства прымушаюць злачынцаў у гэтай сфэры перабудоўвацца, шукаць новыя больш дасканалыя, закансьпіраваныя формы гандлю», ‑ зазначыў прадстаўнік МУС. Напрыклад, пасьля ўвядзеньня больш жорсткага візавага рэжыму для ўезду на тэрыторыю краін ЭЗ, злачынныя арганізацыі для вывазу жанчын сталі выкарыстоўваць шлюбныя і мадэльныя агенцтвы.
Сярод іншых сучасных формаў гандлю людзьмі Сяргей Калтун назваў таксама аказаньне эскорт‑паслуг багатым грамадзянам. У гэтай сфэры злачынцы дзейнічаюць у кірунку Расеі і краін ЭЗ.
У якасьці прыкладу прадстаўнік МУС прывёў справу жыхаркі Менска, якая таксама разглядаецца цяпер у судзе. Пад прыкрыцьцём жанчына вывозіла ў Расею групы дзяўчат, які потым аказвалі інтымныя паслугі багатым бізнэсоўцам.
Ілюстрацыя з сайту amnesty-goettingen.de
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў13
Каментары