Kiraŭnik rasiejskaha instytutu prablemaŭ hlabalizacyi Michaił Dzialahin raskryŭ strašennuju zmovu suprać svajoj krainy. Akazvajecca, Zachad, kab naškodzić Rasiei, nia spynicca ni pierad čym i navat hatovy pieratvaryć Biełaruś u kvitniejučuju dziaržavu.
«Na Zachadzie vyśpiavaje stratehičny prajekt — pieratvaryć Biełaruś u maleńkuju eŭrapiejskuju Rasiei, jakaja budzie abjektam zajzdraści dla ŭsio bolš biednych słajoŭ rasiejcaŭ», — vykryŭ zadumu rusafobaŭ Dzialahin na presavaj kanferencyi ŭ Maskvie. Na jahonuju dumku, rašeńnie pra pavyšeńnie cany na haz dla Biełarusi skiravanaje na razbureńnie biełaruskaj ekanomiki i biełaruskaha hramadztva.
Pry hetym palitolah vykazaŭ mierkavańnie, što vyhada Rasiei ad naftahazavaha kanfliktu — 1 miljard dalaraŭ — mizernaja. «Aproč taho, my duža pakryŭdzili Biełaruś: z bratami nie vajujuć», — reziumavaŭ Dzialahin.
Varta adznačyć, što apošnim časam aktyvizavalisia maskoŭskija łabisty Alaksandra Łukašenki. Z zajavami, analahičnymi pa sutnaści dzialahinskim, vystupili jašče niekalki rasiejskich palitolahaŭ.
Fota «Polarnaja Źviezda»
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu14
Kamientary