Sikorski: Łukašenka biare demakratyčnyja standarty z Uschodu, a hrošy – z Zachadu
«Ja nie viedaju nikoha (a ja razmaŭlaŭ z vysokapastaŭlenymi rasijskimi partniorami), chto b vieryŭ, što Łukašenka atrymaŭ 80%».
«U Łukašenki jość cikavaja ideja, jak utrymacca va ŭładzie: brać demakratyčnyja standarty z Uschodu, a hrošy — z Zachadu. Ale my možam heta nie pryniać. Bajusia, Jeŭropa budzie nastojvać, što standarty i hrošy jon pavinien brać z adnoj i toj ža krynicy» — takuju zajavu zrabiŭ ministr zamiežnych spraŭ Polščy Radasłaŭ Sikorski, vystupajučy 29 vieraśnia na kanfierencyi Uschodniaha partniorstva ŭ Varšavie.
Sikorski nahadaŭ, što letaś jon i ministr zamiežnych spraŭ Hiermanii Hido Viesterviele pieradali Alaksandru Łukašenku prapanovu: «Kali jon praviadzie spraviadlivyja vybary, stanie naładžvać ciesnaje supracoŭnictva ź ES, Biełaruś moža atrymać značnuju ekanamičnuju dapamohu».
«Adnak prezident Łukašenka nie strymaŭ słova i sfalsifikavaŭ vybary. Ja nie viedaju nikoha (a ja razmaŭlaŭ z vysokapastaŭlenymi rasijskimi partniorami), chto b vieryŭ, što Łukašenka atrymaŭ 80 pracentaŭ», — skazaŭ polski ministr.
Pavodle słoŭ Sikorskaha, «Polšča razhladaje biełaruski narod jak jeŭrapiejski narod». Kiraŭnik polskaha MZS spadziajecca, što ŭ budučym u biełaruskich turmach buduć utrymlivacca złačyncy, a nie apazicyjaniery. «Biełaruskaja apazicyja źjaŭlajecca našym partnioram», — padkreśliŭ Radosłaŭ Sikorski.
Ciapier čytajuć
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty6
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary