Tradycyjna tłumačačy ekanamičnaj niemetazhodnaściu prodažu.
U Niaśvižy miascovaje adździaleńnie «Minabłsajuzdruku» admaŭlajecca pradavać u svaich kijoskach niedziaržaŭnuju rehijanalnuju hazietu «Niaśvižski čas». Damova z redakcyjaj na handal hazietaj skasoŭvajecca z 20 sakavika 2007 hoda.
«U suviazi z ekanamičnaj nieefiektyŭnaściu realizacyi haziety «Niaśvižski čas», – paviedamlajecca ŭ liście načalnika Niaśvižskaha rajonnaha adździaleńnia «Minabłsajuzdruku» Taćciany Navoša ad 17 studzienia.
«Vakoł haziety ŭ apošni čas skłałasia davoli niaprostaja situacyja, i jakaja, na moj pohlad, kimści kaardynujecca i kantralujecca», – vykazaŭ svoj pohlad słužbie manitorynhu BAŽ hałoŭny redaktar «Niaśvižskaha času» Alaksiej Bieły.
«U hetym hodzie naša vydańnie ŭžo admovilisia realizoŭvać handlovaje pradpryjemstva «Niaśvižski harcharčpramhandal» i krama «Novaje miesca». Pa hetaj pryčynie my vymušany byli źnizić nakład haziety z 2100 asobnikaŭ da 1700. Praz kijoski «Sajuzdruku» my pradavali 250 asobnikaŭ haziety. Strata hetaha kanału raspaŭsiudu dla nas adčuvalny ŭdar».
Nahadajem, na pačatku hetaha miesiaca žurnalisty «Niaśvižskaha času» sutyknulisia z prablemaj – stała niemahčyma atrymać infarmacyju ŭ miascovych dziaržaŭnych ustanovach i arhanizacyjach. Supracoŭniki hetych ustanoŭ, admaŭlajucca pradastaŭlać źviestki, spasyłajučysia na adpaviednaje rasparadžeńnie namieśnika staršyni Niaśvižskaha rajvykankama A.Maisieni, jaki kuryruje pytańni ideałohii.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ7
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary