U Homieli prajšła akcyja maŭklivaha pratestu: troje zatrymanych
U Homieli 5 kastryčnika prykładna ŭ 20.30 byli zatrymany try ŭdzielniki akcyi maŭklivaha pratestu.
Niahledziačy na pierapynak u akcyjach, abjaŭleny arhanizatarami, u Homieli kožnuju sieradu ŭ 19.00 na placoŭcy kala cyrka praciahvali źbiracca aktyŭnyja maładyja ludzi, 10–15 čałaviek. «Siońnia my sabralisia kala fantana, i da nas była pilnaja ŭvaha z boku milicyi. Potym padyšli niejkija asacyjalnyja asoby i sprabavali spravakavać na bojku. My pajšli, — paviedamiŭ adzin z udzielnikaŭ akcyi Dźmitryj Karaškoŭ. — My pajšli ŭ kafe „Bistro“ na vulicy Rahačoŭskaj, za nami sačyli nieviadomyja ŭ cyvilnym i milicyja. Kali maładyja ludzi vyjšli z kafe na vulicu, ich zatrymali i pavieźli ŭ milicejskim aŭtamabili „UAZ“. My zmahli ŭciačy».
Pavodle słoŭ Karaškova, zatrymany Ilja Mironaŭ, Ksienija Jarasłaŭcava i Vasil Takarenka.
Mironaŭ paviedamiŭ, što ich viazuć u narkadyspansier na ahlad. «Tak, my vypili pa pary bakałaŭ piva, tamu nie vyklučaju, što nas abvinavaciać u drobnym chulihanstvie, niecenzurnaj łajancy ci jašče ŭ čymści. Za nami sačyli i pry pieršaj mahčymaści schapili», — skazaŭ aktyvist.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj80
Kamientary