У Гомелі прайшла акцыя маўклівага пратэсту: трое затрыманых
У Гомелі 5 кастрычніка прыкладна ў 20.30 былі затрыманы тры ўдзельнікі акцыі маўклівага пратэсту.
Нягледзячы на перапынак у акцыях, аб’яўлены арганізатарамі, у Гомелі кожную сераду ў 19.00 на пляцоўцы каля цырка працягвалі збірацца актыўныя маладыя людзі, 10–15 чалавек. «Сёння мы сабраліся каля фантана, і да нас была пільная ўвага з боку міліцыі. Потым падышлі нейкія асацыяльныя асобы і спрабавалі справакаваць на бойку. Мы пайшлі, — паведаміў адзін з удзельнікаў акцыі Дзмітрый Карашкоў. — Мы пайшлі ў кафэ „Бістро“ на вуліцы Рагачоўскай, за намі сачылі невядомыя ў цывільным і міліцыя. Калі маладыя людзі выйшлі з кафэ на вуліцу, іх затрымалі і павезлі ў міліцэйскім аўтамабілі „УАЗ“. Мы змаглі ўцячы».
Паводле слоў Карашкова, затрыманы Ілья Міронаў, Ксенія Яраслаўцава і Васіль Такарэнка.
Міронаў паведаміў, што іх вязуць у наркадыспансер на агляд. «Так, мы выпілі па пары бакалаў піва, таму не выключаю, што нас абвінавацяць у дробным хуліганстве, нецэнзурнай лаянцы ці яшчэ ў чымсьці. За намі сачылі і пры першай магчымасці схапілі», — сказаў актывіст.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай75
Каментары