Rumynija — Biełaruś — 2:2

Na 18-j chvilinie lik adkryŭ Adryjan Mutu (pas — Torže), na 45-j chvilinie Siarhiej Karnilenka lik zraŭniaŭ (pas — Płaskonny).

Na 51-j chvilinie usio toj ža Mutu vyvieŭ rumynaŭ napierad, realizavaŭšy pienalci (foł Płaskonnaha). Na 84-j Stanisłaŭ Drahun znoŭ lik zraŭniaŭ (pas — Rudzik) — 2:2, i biełarusy za košt asabistych sustrečaŭ z rumynami ŭźnialisia na 3-je miesca.

Padapiečnyja Štanhie vystupali ŭ nastupnym składzie:

Žaŭnoŭ (kapitan), Kulčyj, Amieljančuk, Karnilenka, Drahun, Kryviec (Rudzik, 60), Niachajčyk, Kiślak, Vierchaŭcoŭ, Bardačoŭ (Vieraciła, 90+2), Filipienka (Płaskonny, 19).

Bośnija siońnia razhramiła Luksiemburh — 5:0 (Džeka, 12, Misimavič, 15, 22, Pjanič, 36, Mieduńjanin, 52) a Francyja vyjhraje na72-j chvilinie (23:27) ŭ Ałbanii — 4:0 (Małuda, 11, Remi, 38, Revejer, 67).

Stanovišča kamandaŭ: Francyja — 20 (9 hulniaŭ), Bośnija — 19 (9), Biełaruś — 13 (10), Rumynija — 13 (9), Ałbanija — 8 (9), Luksiemburh — 4 (10).

Zbornaja Biełarusi znachodzicca vyšej za Rumyniju za košt asabistych sustrečaŭ (0:0-doma, 2:2 u haściach).

11 kastryčnika buduć zhulanyja dźvie apošnija hulni ŭ hrupie: u vočnaj sprečcy Francyja i Bośnija vyznačać, chto zojmie 1-je miesca, a chto budzie hulać u plej-of. Ałbanija ž prymaje Rumyniju. Rumynam, kab zaniać 3-je miesca ŭ hrupie (prestyž i tolki), treba ničyja ŭ Tyranie.

U niamieckim Visbadenie zbornaja Biełarusi praviadzie tavaryskuju hulniu z Polščaj — haspadyniaj Jeŭra-2012.

***

Jak hulali biełarusy ŭ hetym adbory:

Francyja — Biełaruś (3 vieraśnia 2010 hoda) — 0:1 (Kiślak, 86), Biełaruś — Rumynija (7 vieraśnia) — 0:0, Luksiemburh — Biełaruś (8 kastryčnika) — 0:0, Biełaruś — Ałbanija (12 kastryčnika) — 2:0 (Radzivonaŭ, 10, Kryviec, 77);

Ałbanija — Biełaruś (26 sakavika) — 1:0 (Salichi, 62), Biełaruś — Francyja (3 červienia) — 1:1 (Abidal, 20-aŭtahoł, Małuda, 22), Biełaruś — Luksiemburh (7 červienia) — 2:0 (Karnilenka, 48-pien., Puciła, 73), Biełaruś — Bośnija (2 vieraśnia) — 0:2 (Salichavič, 22-pien, Miedunianin, 24), Bośnija — Biełaruś (6 vieraśnia) — 1:0 (Misimavič, 88), Rumynija — Biełaruś (7 kastryčnika) — 2:2 (Mutu, 19, 51-pien. — Karnilenka, 45, Drahun, 82).

Zbornaja Biełarusi ŭ 10 matčach atrymała try pieramohi, čatyry hulni skončylisia ničyjoj, paciarpieła try parazy, roźnica miačoŭ 8–7. Hały zabivali: Karnilenka — 2, Kiślak, Radzivonaŭ, Kryviec, Puciła, Drahun, Abidal-aŭtahoł).

U adbory da čempijanatu śvietu 2014 hoda zbornaja Biełarusi zhulaje ŭ adnoj hrupie z čempijonami śvietu Ispanijaj, Francyjaj, Finlandyjaj i Hruzijaj.

• 0
• 0
• 0
• 0
• 0
• 0
• 0
• 0