Ukraina vyznačyła ŭmovy, na jakich jana mahła b dałučycca da Mytnaha sajuzu Rasii, Biełarusi i Kazachstana, paviedamiŭ namieśnik ministra ekanomiki, uradavy upaŭnavažany pa pytańniach supracoŭnictva z Rasijskaj Fiederacyjaj, krainami SND, JeŭrAzES i inšymi rehijanalnymi abjadnańniami Valeryj Muncijan.
«Pieršaje— admiena ekspartnych pošlin na naftu, heta 3 młrd dalaraŭ, druhoje — admiena ekspartnych pošlin na naftapradukty… Źnižeńnie cenaŭ na haz.
Ja nastojvaju na tym, što nam patrebnyja ceny na haz takija ž samyja, jak u RF, kab paźbiehnuć efiektu pahłynańnia ŭkrainskich kampanij», — zajaviŭ Muncijan 14 kastryčnika, vystupajučy na kanfierencyi «Mytny sajuz ci zona svabodnaha handlu ź ES ± biezalternatyŭny vybar Ukrainy?».
«Jakaja ž heta intehracyja i jakaja heta spraviadlivaść,kali jany (rasijskija kampanii) atrymlivajuć ceny, jakija ŭ 2,5 razu na toj pieryjad byli nižejšyja, čym dla našych ajčynnych vytvorcaŭ?» — pryvodzić słovy Muncijana RIA Naviny. Pavodle jaho słoŭ, vykanańnie takoj ŭmovy daść ŭkrainskaj ekanomicy 4,6 młrd. dalaraŭ štohod.
Akramia taho, pavodle Muncijana, nieabchodna damahčysia admieny rasijskich achoŭnych zachadaŭ i ŭrehulavańnia pytańnia ab harantyjach pahašeńnia mahčymych — u vypadku ŭstupleńnia Ukrainy ŭ MS — kampiensacyjnych patrabavańniaŭ SHA. Cana hetaha pytańnia — kala 2 młrd dalaraŭ.
Jašče adna ŭmova — «zabieśpiačeńnie zahruzki ŭkrainskaj hazatranspartnaj sistemy», bo Ukraina nie moža sabie dazvolić stracić svoj tranzitny patencyjał.
«Takim čynam, heta takija kampiensacyjnyja vydatki, jakija my niepasredna prapanujem krainam Mytnaha sajuza. Na pierahavornym pracesie, jaki viali hrupy ekśpiertaŭ… hetyja ŭmovy, u pryncypie, prymalisia. Prymalisia na ekśpiertnym uzroŭni. Jak tam na palityčnym, ja nie mahu skazać, heta nie maja kampietencyja», — reziumavaŭ Muncijan.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny22
Kamientary