Bresan nie zabiŭ, a voś Ibrahimavič svoj šaniec nie ŭpuściŭ.
Barysaŭski BATE pravodzić treci matč hrupavoha raŭndu Lihi čempijonaŭ. Na słavutym«San-Sira» kamanda zmahajecca ź italjanskim «Miłanam».
Dziesiać hadoŭ nazad hetyja kamandy ŭžo pierasiakalisia. Toj BATE tolki pačynaŭ šlach u Jeŭropu, a ŭ «Miłana» bliskučaj hulnioj vyłučaŭsia Andrej Šaŭčenka.
Ciapier barysaŭcy ŭžo bityja kałačy. Hulali z mnohimi viadomymi kłubami. Raniejšych dryžykaŭ u kalenkach pierad hrandami ŭ biełarusaŭ niama.
Kali paraŭnoŭvać ź niadaŭniaj hulnioj z «Barsiełonaj», to biełarusy vyhladajuć bolš upeŭniena, chacia ŭ «Miłana» chapaje momantaŭ.
Asabliva ŭ hetym płanie adznačajecca Akviełani. Jon trojčy pahražaŭ BATE. Adnojčy navat trapiŭ u štanhu.
BATE mieŭ adzin realny momant. NaHeta słavuty švied Złatan Ibrahimavič skarystaŭsia adskokam ad Arcioma Radźkova, chlostka ŭdaryŭšy ŭ blizki vuhał.32-oj chvilinie Bresan skarystaŭsia pamyłkaj abarony italjancaŭ i vyjšaŭ adzin na adzin z bramnikam, ale pierachitryć Abjaci nie atrymałasia. Varatar pieravioŭ miač na vuhłavy.Litaralna ŭ nastupnaj atacy «Miłan» vyjšaŭ napierad.
Bolej hałoŭ u pieršym tajmie nie było. BATE pakul prajhraje — 0:1.
***
U samym pačatku druhoha tajma vydatnuju mahčymaść zrabić lik roŭnym upuściŭ Maksim Bardačoŭ. Jaho «biljardny» ŭdar u nižni kut znoŭ vyciahnuŭ bramnik Abjaci.
Paru razoŭ było ŭražańnie, što BATE pierachapiŭ inicyjatyvu, ale da realnych momantaŭ sprava tak i nie dachodziła. «Miłan» atakavaŭ nie skazać, kab vielmi niebiaśpiečna. Simič i kampanija pahrozy likvidoŭvali.
Nie zmahła abarona BATE znajści zbroju tolki suprać udara hanijskaha niemca Kievina Prynsa Boatenha. Udar u jaho atrymaŭsia prosta šykoŭnym. Miač ad pierakładziny zaskočyŭ u varoty.
Naprykancy momant dla hoła stvaryŭ sabie Maksim Skavyš, ale, na žal, udaryŭ prosta ŭ ruki bramnika. Bolš momantaŭ u barysaŭcaŭ nie było — 0:2.
Pa takoj hulni BATE moh raźličvać na bolšaje, čym projhryš u dva miačy. Zrešty, pieramohu «Miłana» stavić pad sumnieŭ taksama nie vypadaje.
U druhoj hulni ŭ hrupie «Barsiełona» doma pieramahła češskuju «Viktoryju» — 2:0.
Paśla troch turaŭ majem nastupnaje stanovišča: «Barsiełona», «Miłan» — pa 7 punktaŭ, «Viktoryja», BATE — pa 1.Nastupnyja hulni projduć 1 listapada. BATE budzie prymać u Minsku ŭsio toj ža «Miłan».
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča5
Kamientary