Kadafi trapiŭ u ruki revalucyjanieraŭ kala vialikich bietonnych trubaŭ.
Akryvaŭleny Kadafi ŭ rukach revalucyjanieraŭ. Zroblenaje mabilnikam fota apublikavana hazietaj Guardian.
Miesca apošnich bajoŭ u Sircie. Paŭstancy nie ryzykavali žyćciom i mietadyčna abstrelvali pazicyi kadafistaŭ z tankaŭ.
Apublikavanyja novyja videa zachopu i transparciroŭki Kadafi. Pieršaje pakazvaje momant, kali jaho vyciahvajuć ź bietonnaj truby, jahonaha apošniaha prytułku. Jon jašče žvavy, sam pierasoŭvaje nohi, ale na hałavie ŭ jaho ŭžo mocna kryvić ahniastrelnaje ranieńnie:
Druhoje videa trochi paźniejšaje. Kadafi jašče žyvy, havoryć da svaich kanvairaŭ, kranajecca rukoj hałavy. Strata kryvi im vialikaja:
Krynicy ŭ Nacyjanalnaj pierachodnaj radzie (NPR) Livii paviedamlajuć, što padčas bajoŭ kala Sirta schopleny Muamar Kadafi.
Pavodle pradstaŭnika NPR, Kadafi byŭ u bai aŭtamatnym ahniom paranieny ŭ abiedźvie nahi dy hałavu i pamior u rukach bajcoŭ novaha ŭrada ŭ časie pieravozki jaho ŭ špital horada Misrata. Na amatarskich videa, źniatych mabilnikam, spačatku jon žyvy, a paśla niežyvy, i jaho ŭžo ciahnuć uzdoŭž darohi.
Stali dastupnyja videa, źniatyja na mabilnik livijskimi revalucyjanierami. Na miesca apošniaha boja trapili žurnalisty. Heta dazvoliła adnavić karcinu apošniaha boja Muamara Kadafi.Na dośvitku, pierad ranišniaj malitvaj, kala piatnaccaci hruzavikoŭ vyjechali ź Sirta ŭ zachodnim kirunku. Na ich z atočanaha horada sprabavali vyrvacca apošnija atrady dyktatara.
Na zachad ad horada darohu im zaharadziła ahniom padraździaleńnie partyzanaŭ novaha ŭrada. Ruch hruzavikoŭ spyniŭsia. Na padmohu revalucyjanieram prylacieli francuzskija vajennyja samaloty. Mašyny stali lohkaj zdabyčaj: padbity byli ŭsie mašyny da adnoj.
Kadafi z reštaj ciełaachoŭnikaŭ pieraleskam skiravaŭsia ŭ bok hałoŭnaj trasy
Infarmacyja pra abstaviny, pry jakich kuli trapili ŭ samoha Kadafi, pakul razychodziacca.Pavodle adnych źviestak, adzin ź ciełaachoŭnikaŭ Kadafi kryčaŭ napadnikam: «Z nami naš haspadar, jon paranieny, nie stralajcie». Inšyja kažuć, što, naadvarot, adzin z asabistych achoŭnikaŭ rasstralaŭ pałkoŭnika ŭ samy apošni momant. Trecija śćviardžajuć, što sam dyktatar kryčaŭ: «Nie stralajcie! Što takoje?».
Na adnym ź videa Kadafi jašče žyvy, choć i ściakaje kryvioj. Jaho atačyŭ natoŭp, jaho tuzajuć, čałaviek źniaŭ čaravik i taŭče dyktatara čaravikam — najhoršaja dla musulman źniavaha. Na nastupnym videa jon užo niežyvy.
Kuli trapili jamu ŭ nohi, śpinu, hałavu.
Znachodžańnie trupa nie razhałošvajecca ź mierkavańniaŭ biaśpieki.
Los dyktataraŭ: paŭhoda tamu lud vitaŭ jaho na vulicach Trypali. Siońnia toj samy lud taptaŭ partrety pavieržanaha lva.
Pałkoŭnik Kadafi, jaki kiravaŭ Livijaj na praciahu 42 hadoŭ, byŭ zrynuty ŭ žniŭni, kali ŭzbrojenyja prychilniki NPR uziali stalicu krainy Trypali.
Paŭstancy dva miesiacy trymali abłohu haradoŭ Sirt i
Byŭ uziaty ŭ pałon i
U časie apošniaha boju livijskich revalucyjanieraŭ z pavietra padtrymlivali francuzski samalot i amierykanski bieśpiłotnik.
U Trypali i Bienhazi raspačalisia stychijnyja narodnyja hulańni. Narod ciešycca viestcy pra śmierć tyrana i kaniec vajny. Ludzi stralajuć u pavietra i śpiavajuć nacyjanalny himn.
U stratehičnym sensie vajnu dla Kadafi možna było ličyć prajhranaj paśla taho, jak paŭstancy ŭziali stalicu ŭ koła. Adnak kiraŭniki časovaha ŭrada, utvoranaha paŭstancami, bajalisia, što Kadafi moža pieratvaryć svaje apošnija dni ŭ kryvavuju łaźniu i padarvać asnoŭnyja abjekty infrastruktury krainy. Akramia taho,
niestabilnaść u Livii mahła zachavacca na doŭhija hady, kali b Kadafi pierajšoŭ da partyzanskich mietadaŭ vajny,abapirajučysia na viernyja sabie plamiony. U toj ža čas prymireńnie bakoŭ, pierachod da demakratyčnych mietadaŭ kankurencyi ciažka sabie ŭjavić u krainie, jakaja raniej isnavała faktyčna ŭ formie sučasnaha sułtanata.
Kadafi ščodra finansavaŭ krainu z dachodaŭ ad nafty, ale trymaŭ jaje ŭ ciemry. Nieŭzabavie paśla prychodu da ŭłady jon uvioŭ u krainie zakony šaryjatu.
Livija — kraina płoščaj 1,8 młn kv. kiłamietraŭ (9 razoŭ bolšaja za Biełaruś), ale małanasielenaja (6,4 młn žycharoŭ, u 1,5 razu mienš, čym u Biełarusi). Bolšuju častku krainy zajmaje pustynia, a ludzi žyvuć pieravažna na ŭźbiarežžy i ŭ harach na poŭnačy krainy.
Zaraz pierad novym uradam krainy budzie stajać niaprostaja zadača pabudovy mirnaj i demakratyčnaj krainy. Praŭda, zvalić dyktatara było nie praściej.
Siłavyja struktury Livii ŭznačalvali syny i inšyja svajaki pałkoŭnika Kadafi.
Paŭstańnie suprać Kadafi pačałosia ŭ haradach Bienhazi i Biejda ŭ lutym. Vystupy ŭ stalicy siły biaśpieki spačatku zadušyli. Adnak praz dva miesiacy, u adkaz na prośby paŭstancaŭ, pa Kadafi pačała bić avijacyja NATO. Siły Kadafi nie zdoleli źbić nivodnaha vajskovaha samalota. Heta akazałasia ciažej, čym padkładać bomby ŭ hramadzianskija łajniery, što jon finansavaŭ u svoj čas.
Sic transit gloris mundi — tak prachodzić słava śvietu — hetak azvaŭsia na śmierć Kadafi jahony kolišni chaŭruśnik Silvia Bierłuskoni.
