Katacca «zajcom» pry bazavaj vieličyni 35 tysiač vyhadniej, čym kuplać tałony
Bazavaja vieličynia nie pavyšałasia ad 2007 hoda.
Da kanca hoda košt prajezdu ŭ hramadskim transparcie składzie 1 850 rubloŭ.
Heta aznačaje, što ŭ paraŭnańni ź ciapierašniaj situacyja taryf uzraście amal udvaja. Ci zachočuć biełarusy płacić bolš, kanduktary daviedajucca ŭ śniežni. A pakul — zajmalnyja padliki.
Atrymlivajecca, što dla minčuka budzie ekanamična vyhadnym katacca «zajcom», navat kali ŭ kožnaj čaćviortaj pajezdcy jaho buduć łavić kantralory i patrabavać štraf. Apłacić čatyry razy prajezd — patracić 7400 rubloŭ. A adzin štraf usio jašče składaje 7000 rubloŭ (0,2 bazavaj vieličyni) i daŭno nikoha nie pałochaje.
Bazavaja vieličynia składaje ŭsiaho 35 tysiač rubloŭ, jana nie źmianiałasia ažno sa śniežnia 2007 hoda. Tady jana składała kala $16. Ciapier — usiaho $4,5.
Kamientary