Bo dasiul nie moža damahčysia viartańnia svajho pašparta.
Mienavita takim čynam palityk źbirajecca viarnuć sabie pašpart, kanfiskavany śledčymi padčas aryštu ŭnačy 19 śniežnia.
Lidar Abjadnanaj hramadzianskaj partyi prachodziŭ abvinavačanym pa spravie ab tak zvanych masavych biesparadkach u Minsku paśla śniežańskich vybaraŭ prezidenta. U žniŭni spravu suprać palityka śledčyja vymušanyja byli zakryć, ale pašpart lidaru AHP da hetaha času tak i nie viarnuli, nie tłumačačy pryčynaŭ.
Bolš za toje, u parušeńnie Zakonu ab zvarotach hramadzianaŭ, śledčyja navat nie adkazvajuć na aficyjnyja zapyty Labiedźki adnosna losu svajho hałoŭnaha dakumienta. U suviazi z hetym palityk maje namier nakiravać skarhu ŭ sud.
— Uličvajučy, što KDB prosta ihnaruje maje zvaroty, jak hramadzianina RB u hetuju instancyju. Ja ŭsio ž taki pryniaŭ rašeńnie źviartacca tudy, što nazyvajecca, sudovaj sistemaj. Pieršym krokam budzie zvarot da Łukašenki, bo staršynia KDB pryznačajecca im i niepasredna padparadkoŭvajecca jamu. Kali i jon nie ŭ stanie vyrašyć hetaje pytańnie — pytańnie vykanańnia Kanstytucyi — tady źviartajusia u sud.
U suviazi z adsutnaściu pašparta, pa słovach palityka, jon faktyčna byŭ pazbaŭleny lehalnaj mahčymaści vyjazdžać za miežy krainy, a taksama abaraniać svaje pravy ŭ dziaržaŭnych orhanach u samoj Biełarusi.
Nahadajem, što
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi3
Kamientary