«Zabudźciesia, prystojna, nieprystojna»: «Dziady» ŭ Łošycy skončylisia zatrymańniami
U časie tradycyjnaj akcyi adbyłasia nievialikaja sutyčka.
Hladzi jašče: Dziady-2011. Šeście ŭ Kurapaty.
Uvaha! Videa ŭtrymlivaje nienarmatyŭnuju leksiku.
6 listapada ŭ Minsku prajšło tradycyjnaje šeście ŭ Łošycki jar da miesca pachavańnia achviar stalinskich represij, arhanizavanaje Kansiervatyŭna-chryścijanskaj partyjaj BNF.
U šeści ŭziali ŭdzieł bolš za sotniu čałaviek — aktyvistaŭ KCHP-BNF i inšych apazicyjnych abjadnańniaŭ, u pryvatnaści, mižnarodnaj maładziožnaj arhanizacyi «Małady front», paviedamlaje BiełaPAN.
Udzielniki šeścia prajšli pa chodnikach vulicy Majakoŭskaha z boku Łošyckaha parku. Jany nieśli bieł-čyrvona-biełyja ściahi, ściahi KCHP-BNF i «Maładoha frontu», a taksama raściažki «Dziady» i «Abaronim Biełaruś ad piekła rasiejskaha impieryjalizmu». Kala kryža ŭ Łošyckim jary prajšoŭ žałobny mitynh.
U časie niadzielnaha šeścia nie abyšłosia bieź incydentaŭ.
Udzielnikaŭ mierapryjemstva supravadžali supracoŭniki pravaachoŭnych orhanaŭ u cyvilnym, jakija viali videazapis akcyi.
Adzin z udzielnikaŭ šeścia Juraś Navicki u svaju čarhu zdymaŭ apierataraŭ u cyvilnym. Jon rabiŭ zdymki ź plača inšaha ŭdzielnika mitynhu. U peŭny momant adzin z «cicharoŭ» udaryŭ paplečnika Navickaha. Pačałasia šura-bura. Hety incydent arhanizataram mitynhu ŭdałosia spynić biez dalejšych nastupstvaŭ. A voś Navickamu daviałosia prajechać u milicyju. Na vyjeździe na vulicu Majakoŭskaha aŭto, u jakim jon jechaŭ, spyniŭ supracoŭnik DAI. Padaśpieli supracoŭniki ŭ cyvilnym i vyciahnuli jaho z aŭto.
Pa skančeńni mitynha byŭ zatrymany siabra KCHP-BNF Uładzimir Jucho. Adzin z udzielnikaŭ akcyi zafiksavaŭ hety momant na videa.
Videa belsat.eu
Ciapier čytajuć
Jak u halečy śpivałasia radnia Łukašenki? Małaviadomyja fakty1
Kamientary