U Babrujsku arhanizatar Narodnaha schodu Kanstancin Łokcieŭ aryštavany na troje sutak
Sudździa Natalla Šehieda pryznała Łokcieva vinavatym va ŭdziele ŭ niesankcyjanavanym masavym mierapryjemstvie.
«Uvieś sud byŭ prosta śpiektakl. Ja napisaŭ 12 staronak razboru ŭsioj spravy z pryviadzieńniem artykułaŭ Kanstytucyi i mižnarodnych paktaŭ, pradstaŭleny fatahrafii. Niahledziačy na heta, sudździa adrazu ž, nie adychodziačy ŭ daradčy pakoj, začytała rašeńnie», — raskazaŭ BiełaPAN mahiloŭski pravaabaronca Barys Buchiel.
Jašče adna fihurantka spravy pa Narodnym schodzie ŭ Babrujsku Halina Śmirnova siońnia z suda była dastaŭlena ŭ milicyju dla składańnia novaha pratakoła. Tam joj taksama było ŭručana papiaredžańnie ab niedapuščalnaści ŭdziełu ŭ niesankcyjanavanych masavych mierapryjemstvach. Ciapier sud praciahvaje razhlad spravy Śmirnovaj.
Nahadajem, sud nad Łokcievym i Śmirnovaj pačaŭsia 9 listapada. Jany abvinavačvalisia ŭ parušeńni zakona ab masavych mierapryjemstvach. Paśla taho jak padsudnyja pryviali dokazy, što jany viali padrychtoŭku da miascovaha schodu, sudździa zrabiŭ pierapynak da 11 listapada.
Raniej, 3 listapada, za parušeńnie zakona ab masavych mierapryjemstvach u Babrujsku byŭ pryhavorany da 10 sutak aryštu Viktar Buzinajeŭ.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»2
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary