Mižnarodnaja złačynnaja hrupa prymušała ludziej pradavać nyrki
Siarod jaje achviaraŭ jość i biełarusy. Alaksiej Jafimaŭ z Babrujska skałanajecca, uspaminajučy pra bandyta, što pahražaŭ zabić jaho svajakoŭ.
Alaksiej Jafimaŭ z Babrujska skałanajecca, uspaminajučy pra bandyta, što pahražaŭ zabić jaho svajakoŭ. U
Alaksiej ubačyŭ u hetym šaniec vyrvacca ź biednaści.Zamiest hetaha jamu daviałosia vypravicca ŭ niebiaśpiečnaje padarožža i miesiac prasiedzieć zamknutym u hatelnym numary ŭ Ekvadory, čakajučy chirurhaŭ, što vydalili b jamu orhan.
Roni Šymšyłašvili, što trymaŭ Jafimava ŭ pałonie, — były kikbaksior i kiraŭnik mižnarodnaj bandy, što zajmałasia handlem ludźmi.
«Jon skazaŭ, što kali ja nie zrablu hetaha, jon pakinie mianie ŭ Ekvadory i zabje maju siamju», — kaža Alaksiej.
Daktary vyrazali jamu levuju nyrku ŭ lipieni 2010 hoda i transpłantavali jaje izrailskaj žančynie, pavodle dadzienych kijeŭskich śledčych, što raspačali kryminalnuju spravu suprać mižnarodnaj bandy. U samalocie, što lacieŭ nazad u Biełaruś, Šymšyłašvili skazaŭ Jafimavu, što kali jon choča žyć, jon pavinien maŭčać.
Jafimaŭ — adna z achviaraŭ hihanckaj sietki, što pracavała na čornym rynku orhanaŭ, i vykarystoŭvała padman, hvałt i prymus, kab kupić orhany ŭ biednych ludziej, u asnoŭnym sa słabaraźvitych krainaŭ, a zatym pradać ich bahatym pacyjentam. Jany źviazanyja z daktarami viadučych klinik, jakija robiać hetyja pierasadki za hrošy, nie zadajučy pytańniaŭ.
Pavodle SAAZ, štohod kala 5000 čałaviek pradajuć orhany na čornym rynku. Heta nielehalna va ŭsich krainach, aproč Irana.
Bloomberg Markets paviedamlała ŭ červieni, što žychary ZŠA, chvoryja na nyrkavuju niedastatkovaść, jechali ŭ Nikarahua i Pieru, kab kupić na čornym rynku orhany paranienych i zabitych donaraŭ i recypijentaŭ.
Na čornym rynku šmat bandaŭ dziejničajuć u intaresach pacyjentaŭ ź Izraila, čyja miedycynskaja sistema adčuvaje vostry niedachop orhanaŭ, u pryvatnaści, praz relihijnyja pierakanańni izrailcian. Tolki 12% izrailcian źjaŭlajucca zarehistravanymi donarami, heta značyć, jany pahadzilisia, kab ich orhany byli vykarystanyja dla transpłantacyi paśla ich śmierci.
Niedachop dastupnych orhanaŭ u Izraili sparadziŭ novy kłas złačyncaŭ, u asnoŭnym imihrantaŭ z byłoha Savieckaha Sajuza.Śledčyja na piaci kantynientach kažuć, što vyjavili sietki złačynnych hrup pad kiraŭnictvam izrailcian i žycharoŭ Uschodniaj Jeŭropy, jakija pieravoziać praź miežy ludziej, časam suprać ich voli, kab zdabyć nyrku. Złačyncy pradajuć nyrku ŭ 15–20 razoŭ daražej, čym kuplajuć: płaciać $10 tys., a pradajuć pacyjentam za $150 tys.
Handlary ludźmi palujuć na najbolš biezabaronnych.Małdova, samaja biednaja kraina ŭ Jeŭropie, — adno ź ich hałoŭnych palaŭničych uhodździaŭ.
Pacyjenty, jakija atrymlivajuć orhany ad žyvych donaraŭ, majuć bolš šancaŭ vyžyć, čym pry transpłantacyi orhanaŭ ad pamierłych. Siarod pacyjentaŭ, jakija atrymlivajuć orhany ad žyvoha donara, 90% žyvie nie mienš za piać hadoŭ, a dla tych, chto atrymlivaje orhan ad miortvaha donara, hetaja ličba składaje 82%. Zakonnyja donary orhanaŭ — heta, jak praviła, svajaki chvoraha.
U Izraili relihijnyja pierakanańni pieraškadžajuć achviaravańniam orhanaŭ — i ad žyvych, i miortvych. Pavodle viernikaŭ, cieła musić być pachavana niekranutym.
Šmuel Elijahu, hałoŭny rabin Cfata, sprabuje prapahandavać donarstva orhanaŭ. Jon śćviardžaje: Tora vučyć, što ŭ pieršuju čarhu treba dapamahać inšym, asabliva kali heta aznačaje vyratavańnie čałaviečaha žyćcia. Rabin kaža, što achviaravańnie orhanaŭ — heta micva, to bok dobraja sprava.
Alaksiej Jafimaŭ nikoli nie byŭ u Izraili. Jon kaža, što byŭ uciahnuty ŭ prodaž nyrki ŭ Biełarusi ŭ 2009 hodzie. Alaksiej chacieŭ zdabyć hrošaj, kab viarnuć sabie kachańnie svajoj byłoj dziaŭčyny, tamu i adhuknuŭsia nainternet-rekłamu prodažu orhanaŭ.
Dva ŭkrainskija rekrutary bandy ŭ Kijevie, Rusłan Jakavienka i Jaŭhien Ślusarčuk, napisali Jafimavu pa elektronnaj pošcie, što prodaž nyrki — biazbolny sposab zarabić $ 10 tys.
Paśla abmienu elektronnymi listami i telefonnych zvankoŭ handlary dasłali Alaksieju $100 na kvitok da Kijeva. Jany pasialili jaho ŭ adnapakajoŭku razam z dvuma inšymi donarami nyrki.
U siaredzinie červienia 2010 hoda handlary skazali Jafimavu, što znajšli izrailskuju žančynu, hatovuju kupić jaho nyrku, i što transpłantacyja budzie zroblenaja ŭ Ekvadory.
Kali jany prybyli ŭ Kita, Šymšyłašvili zamknuŭ troch donaraŭ u miascovym hateli.
«Jon nie dazvalaŭ nikomu vychodzić na vulicu ŭ adzinočku, i ŭ nas nie było nijakich hrošaj», — kaža Alaksiej.
NieŭzabavieJafimaŭ pakazaŭ doktaru Hustava Salvadoru dakumient, jaki jaho prymusili padpisać, i zajaviŭ, što choča achviaravać nyrku.55-hadovaja izrailcianka z nyrkavaj niedastatkovaściu prybyła zTel-Aviva , i Jafimava dastavili ŭ balnicu.
«Kali chtości prychodzić da mianie i kaža: «Ja chaču achviaravać orhan», to my tak i robim, — kaža Salvador, — a leźci ŭ žyćcio čałavieka — nie maja sprava».
Chirurhi vydalili Jafimavu levuju nyrku 27 lipienia 2010 hoda.
10 tysiač Alaksiej zarabiŭ, ale heta nie varta taho strachu, jaki pieraciarpieŭ, kaža jon.
Kali ŭrad Ekvadora pačaŭ rasśledavańnie handlu orhanami ŭ 2010 hodzie i vyjaviŭ 11 vypadkaŭ transpłantacyj nyrak, u asnoŭnym ad ukrainskich donaraŭ izrailskim pacyjentam, nivodnamu miedyku nie vystavili abvinavačańnia: pavodle zakona Ekvadora, jany ničoha nie parušyli.
Zakony i praviły, skiravanyja na praduchileńnie niezakonnaha handlu orhanami, nie pracujuć. Pakul va ŭsim śviecie isnuje niedachop zakonnych donaraŭ žyćciova važnych orhanaŭ, ekspłuatacyja biednych budzie tolki raści.
Kamientary