Siońnia jubilej adznačaje paet, pierakładčyk, paradyst i adzin z najvybitniejšych intelektuałaŭ sučasnaj Biełarusi — Michaś Skobła.
Michaś Skobła aŭtar šerahu knih paezii siarod jakich «Viečny Źnič» (1990), «Vočy Savy»(1994), «Našeście Poŭni» (2000), knihi litaraturnych parodyjaŭ «Rozhi ŭ roźnicu» (1993), zbornika vieršaŭ dla dziaciej
Taksama spadar Skobła viadomy stvareńniem antałohij biełaruskaj («Krasa i siła») i suśvietnaj paezii («Hałasy
Aproč taho Michaś Skobła viadzie aŭtarskuju pieradaču «Volnaja studyja» na radyjo «Svaboda».
«Naša Niva» prapanuje čytačam vierš Michasia Skobły «Za imhnieńnie da viartańnia ŭ hety śviet»
ZA IMHNIEŃNIE DA VIARTAŃNIA Ŭ HETY ŚVIET
Ja pakinuŭ kachanuju.
Mahiły rodnych.
Zabiŭ doškami chram svajoj viery.
Adpuściŭ na volu ŭsie viatry,
Davieryŭšy im rodnyja pieśni,
Bajovyja himny,
Staradaŭnija zamovy
Dy zapavietnyja paciery,
Jakija kaliści viedaŭ.
Kinuŭ u bahnu pochvy dy mieč,
Addaŭ na zabaŭku małym dziedavu siavieńku
I pajšoŭ.
…U apramietnuju, — zdahadalisia adnyja,
…Da pana Boha, — movili inšyja,
Kab nikoli nie viarnucca,
Bo zaŭsiody
Za imhnieńnie da viartańnia ŭ hety śviet
Ja abaviazkova zhadvaŭ,
Što ŭ im
Mianie čakaje tolki Radzima,
Adčuvajučy z žacham,
Što navat hetaha
Dla mianie niedastatkova…
* * *
Redakcyja «Našaj Nivy» dałučajecca da vinšavańniaŭ jubilaru.
