«Paśla prezidenckich vybaraŭ 2010 hoda pačałosia sapraŭdnaje palavańnie na členaŭ «Viasny», — miarkuje jon.
Niahledziačy na pryhavor kiraŭniku «Viasny» Alesiu Bialackamu, arhanizacyja budzie praciahvać svaju dziejnaść. Pra heta 2zajaviŭ namieśnik Bialackaha, pravaabaronca Valancin Stefanovič.
Biełaruskija pravaabaroncy, pavodle jaho słoŭ, aceńvajuć pryhavor jak «žorstki, jak niezakonny i vyklučna jak palityčna matyvavany, źviazany jak ź dziejnaściu Alesia Bialackaha, tak i ź dziejnaściu pravaabarončaha centra „Viasna“ ŭ cełym».
«Toje, što adbyłosia siońnia, źjaŭlajecca pikam palityki dziaržavy adnosna pravaabarončaha centra „Viasna“, jakuju my nazirali na praciahu 15 hadoŭ isnavańnia arhanizacyi. Što taksama jarka padkreślivaje ŭ pryncypie staŭleńnie biełaruskich uładaŭ da pravaabaroncaŭ i niaŭradavych arhanizacyj, da prava hramadzian na abjadnańni i asacyjacyi», — zajaviŭ Stefanovič.
Pavodle jaho słoŭ,
paśla prezidenckich vybaraŭ 2010 hoda pačałosia «sapraŭdnaje palavańnie na členaŭ «Viasny».«Biaskoncyja ŭryvańni ŭ ofis arhanizacyi supracoŭnikaŭ KDB i milicyi, praviadzieńnie, jak my ciapier vyśvietlili, niepracesualnych apieratyŭnych mierapryjemstvaŭ śviedčyć ab tym, što Bialacki pieraśledujecca nie tamu, što jon učyniŭ ekanamičnaje złačynstva, a tamu, što jon źjaŭlaŭsia kiraŭnikom «Viasny», — zajaviŭ Stefanovič.
«Ja absalutna zhodna z tym, što skazaŭ Bialacki ŭ apošnim słovie. KDB cudoŭna viedaŭ, čym zajmajecca „Viasna“.
Nijakuju „radykalnuju apazicyju“ pravaabarončy centr nie finansuje, tym bolš što radykalnaj apazicyi ŭ Biełarusi niama.I pryhavor Bialackamu ja rasceńvaju jak absalutna śviadomy pieraśled Bialackaha i pravaabarončaha centra „Viasna“ ŭ cełym», — zajaviŭ Stefanovič.
«My, biezumoŭna, budziem praciahvać svaju dziejnaść, budziem praciahvać svaju rabotu, patrabavać vyzvaleńnia Alesia Bialackaha i inšych palitźniavolenych.My cudoŭna razumiejem, što ŭ krainie pačynajucca čarhovyja zamarazki, što, mahčyma, nie ŭsie arhanizacyi pierazimujuć hetuju zimu, ale tym nie mienš svaju dziejnaść my majem namier praciahvać», — skazaŭ jon.
24 listapada Bialacki byŭ pryznany vinavatym pa častcy 2 artykuła 243 Kryminalnaha kodeksa (utojvańnie dachodaŭ u asabliva bujnym pamiery) i pryhavorany da 4 hadoŭ i 6 miesiacaŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Padčas suda Bialacki rastłumačyŭ, što adkryŭ bankaŭskija rachunki za miažoj, bo zrabić heta ŭ Biełarusi nie ŭjaŭlałasia mahčymym. Pravaabarončy centr «Viasna», jaki jon uznačalvaje, byŭ zakryty ŭładami ŭ 2003 hodzie, a na šmatlikija sproby pravaabaroncaŭ lehalizavać svaju arhanizacyju Miniust adkazvaŭ admoŭna. Hrošy, što pieraličvalisia na rachunki Bialackaha, vykarystoŭvalisia dla akazańnia dapamohi achviaram palityčnych represij u Biełarusi.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica2
Kamientary