Temu padrychtoŭki da parłamienckich vybaraŭ abmierkavali 28 listapada Alaksandr Łukašenka i staršynia cavieta respubliki Anatol Rubinaŭ.
«Havorka išła pra toje, što kandydatami ŭ deputaty pavinny stać
najbolej aktyŭnyja hramadzianie, chto dobra viedaje situacyju na miescach, umieje śmieła adstojvać svaju pazicyju, vyłučać prapanovy, inicyjatyvy, chto sapraŭdy kłapocicca pra vyhadu naroda.Parłamienckija vybary pavinny prajści na vysokim uzroŭni, i pavinien być sfarmiravany dziejazdolny parłamient, jaki budzie pracavać na karyść našaha hramadstva i dziaržavy», — havorycca ŭ paviedamleńni
Jašče adnoj temaj hutarki stała padrychtoŭka navukovych kadraŭ u krainie: Rubinaŭ źjaŭlajecca členam prezidyuma Vyšejšaj atestacyjnaj kamisii.
Rubinaŭ adznačyŭ, što z boku suiskalnikaŭ, ich kiraŭnikoŭ, rektaraŭ VNU časam vykazvajucca pažadańni źnizić patrabavańni da dysiertacyj, spraścić paradak prysvajeńnia stupieniaŭ ci vučonych zvańniaŭ, krychu ŭrezać funkcyi VAKa. Na heta Łukašenka zajaviŭ, što navuka nie moža być druhoha hatunku i sapraŭdny vučony — toj, chto maje vysokuju kvalifikacyju, pracuje z karyściu dla hramadstva i na vyhadu krainy.
Nie pavinna być pustych dysiertacyj, daśledavańniaŭ, paturańnia pry prysudžeńni vučonych stupieniaŭ, asabliva doktarskaj, zapatrabavaŭ Łukašenka.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki16
Kamientary