Na prapanovu apazycyi Viarchoŭnaja Rada Ŭkrainy adzinahałosna ŭchvaliła zakon, jaki zabaraniaje pryvatyzacyju hazapravodaŭ dy schoviščaŭ.
Viarchoŭnaja Rada Ŭkriany ŭchvaliła zakon, jaki zabaraniaje pryvatyzacyju palivapravodaŭ dy schoviščaŭ. Dakument, prapanavany Julijaj Cimašenkaj, padtrymali čatyrysta tryccać deputataŭ. Hetym parlamentary pastavili kropku na mrojach Kramla pieraniać kantrol nad ukrainskimi hazapravodami, jak heta jamu ŭdałosia ŭ vypadku "Jamała-Eŭropy" i "Biełtranshazu" z Łukašenkam.
Liderka BIUT Julija Cimašenka spyniacca na hetym nie źbirajecca i zaklikaje nastupnym krokam prypynić rabotu «RosUkrEnerha» na ŭkrainskim rynku.
— Dumaju, nastupnym krokam moža stać skasavańnie raboty RosUkrEnerha, — zajaviła Cimašenka paśla paśpiachovaha hałasavańnia ŭ parlamencie pra zabaronu manipulacyjaŭ z hazatranspartnaj systemaj. Pavodle jejnych słoŭ, varta adnavić «aktyŭnuju rabotu ŭ sudach stasoŭna «RosUkrEnerha» i z pačatkam viasnova‑letniaha peryjadu pazbavicca ad jaho va Ŭkrainie».
Kamentujučy ŭchvaleńnie parlamentam zabarony na pieradaču hazatranspartnaj systemy, Cimašenka nazvała heta «poŭnaju pieramohaju». «Kali pytańnie vyciahnuć z kuluarnych damoŭlenaściaŭ i zrabić jaho publičnym, kab hramadztva zrazumieła, što jakija‑kolviek manipulacyi z hazatranspartnaj systemaju jość zdradaju, to možna dasiahnuć pieramožnych vynikaŭ», — zaznačyła liderka BIUT.
Fota www.byut.com.ua
Kamientary