Homielskaha apazicyjaniera Niepomniaščych nie ŭziali ŭ terytaryjalnyja vojski
Jon starejšy za 50 hadoŭ, tamu słužba jamu nie pahražaje.
Homielski hramadzki aktyvist, były pradprymalnik, a ciapier pensijaner Ministerstva ŭnutranych spraŭ Uładzimier Niapomniaščych atrymaŭ adkaz z abłvykankamu na svaju prapanovu stać pieršym dobraachvotnikam miascovych terytaryjalnych siłaŭ.
List Uładzimieru dasłaŭ načalnik adździełu kaardynacyi dziejnaści administracyjnych orhanaŭ i vajskova-mabilizacyjnaj raboty kiraŭnictva spraŭ abłvykankamu Ŭładzimier Kraŭcoŭ. Ad imia abłvykankamu jon vykazaŭ «padziaku za prajaŭleny patryjatyzm, hatoŭnaść sa zbrojaj ŭ rukach u vypadku nieabchodnaści abaranić suverenitet i niezaležnaść Respubliki Biełaruś u składzie vojskaŭ terytaryjalnaj abarony».
Adnak u pryzyvie na słužbu ŭ terytaryjalnyja vojski Ŭładzimieru admovili, pakolki jon dasiahnuŭ «hraničnaha ŭzrostu — 50 hadoŭ i ŭ 2002 hodzie źniaty z vajskovaha ŭliku».
U liście načalnik adździełu vajskova-mabilizacyjnaj raboty, jašče raz dziakujučy za luboŭ da Radzimy, nazvaŭ Uładzimiera «Alaksandaram Michajłavičam».
«Ja nia nadta rasstroiŭsia admovie: dzied Tałaš i ŭ 90 hadoŭ partyzaniŭ, baraniŭ Ajčynu. Nie daduć snajperskuju vintoŭku, jość viły, kosy», — kaža spadar Niapomniaščych.
Aktyvist jašče 10 listapada źviarnuŭsia ź piśmovaj zajavaj da staršyni abłvykankamu, hienerał-majora Ŭładzimiera Dvornika — prasiŭ «zaličyć u terytaryjalnyja vojski» i vydać «snajperskuju vintoŭku, a lepš — hranatamiot».
U zajavie pieršy dobraachvotnik miascovych terytaryjalnych siłaŭ patłumačyŭ, što
na taki krok jaho natchniŭ vystup pa telebačańni hałoŭnakamandujučaha ŭzbrojenymi siłami Biełarusi Alaksandra Łukašenki.I asabliva jahonyja słovy pra stvareńnie «novaj armii» i pra toje, što «jadrom takich farmavańniaŭ pavinny być biznesmeny».
Spadar Niapomniaščych pisaŭ, što jamu taksama jość što abaraniać:
«Ja raniej byŭ indyvidualnym pradprymalnikam, biznesoŭcam, chacia nazyvaŭsia „vašyvaj błychoju“. Sabraŭ kapitał u biełaruskich rublach, jaki zachoŭvajecca ŭ samym nadziejnym banku śvietu — «Biełarusbanku».
Dobraachvotnik byŭ pierakanany, što ź jaho prychodam u terytaryjalnyja vojski Homielščyny siudy nia sunucca nijakija «kazły», nijakija «admarozki», nijakaja «piataja kalona».
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary