Stvaralnik kultavych histaryčnych pieradač byŭ vymušany zvolnicca ź dziaržaŭnaha telebačańnia.
Ciaham dziesiaci hadoŭ Matafonaŭ «ciahnuŭ» na samyja biełaruskacentryčnyja prajekty na dziaržtelevizii. Jon stvaryŭ takija pieradačy jak «Skarbnica Minščyny», «Adkryty archiŭ», «Cieni i słovy», «Łabirynty», «Bijahrafija słova», «Ałchimija słova», «Majem rečy»… Razam ź Juryjem Žyhamontam Matafonaŭ papularyzavaŭ historyju, za što jaho i lubili hledačy. Niadaŭna jon pakinuŭ dziaržaŭnaje telebačańnie i ciapier źbirajecca supracoŭničać z radyjo «Svaboda».
Pra niečakanuju źmienu pracy Aleś Matafonaŭ raskazaŭ karespandentu «NN».
Naša Niva: Jak tak stałasia, što vy pieramianili pracu?
Aleś Matafonaŭ: Tak skłalisia abstaviny, što ja byŭ vymušany syści, mahčyma paśla ja pra heta apaviadu, adnak ciapier ja nie hatovy. Skažu, što
ja syšoŭ biez kryŭdaŭ, ale nie pa svajoj voli.
NN: Jakija płany majecie na novym pracoŭnym miescy?
AM: Ja chaču zasiarodzicca na tvorčaści. U mianie zaŭždy nie chapała času na tvorčaść, a ciapier i čas, i mahčymaści źjaviacca. Što tyčycca radyjo «Svaboda» tut u mianie bahata idej i płanaŭ. Chacia heta budzie nie aŭtarskaja pieradača.
Ja, mahčyma, budu pracavać videaredaktaram i sam stvarać peŭnyja siužety — videa z apošnimi padziejami ŭ krainie, a taksama z roznych prezientacyj i viečarynaŭ.
NN: Ci nie dumali vy pieranieści na sajt «Svabody»
AM: Mnie chaciełasia b adyjści ad publicystyki i zaniacca aŭtarskim kino, dakumientalnym, papracavać z temami, jakija mianie chvalujuć.
NN: I jakija heta temy?
AM: Kali kazać u ahulnych rysach,
kino musić być pra toje, što nas chvaluje zaraz, pra našyja radaści i słabaści, heta budzie adnačasova kino radasnaje i sumnaje.
Nie palityčnaje, ale sučasnaje — ciapier mnie cikaviej pracavać z sučasnaściu, a nie z historyjaj.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary