«Russian» — značyć depresiŭny: jak źmianiajecca mova

Časopis Esquire (rasiejskaja viersija) prapanuje padborku novych anhlijskich słovaŭ. Jany ŭtvarylisia dla paznačeńnia novych realij i adnosin ludziej u sučasnym śviecie.

Mnohija z pakazanych źjavaŭ jość i ŭ nas, ale jašče nie majuć śpiecyjalnych słovaŭ dla abaznačeńnia.

Futbolnaja ŭdava (Football widow)

Žančyna, jakaja ŭ dni futbolnych matčaŭ ličyć svajho mužčynu časova pamierłym.

Rasiejec (a Russian)

Toj, chto ŭvieś čas znachodzicca ŭ stanie depresii, bačyć śviet u čornych farbach.

Absurdystan (Absurdistan)

Słova, jakim paznačajecca lubaja kraina, dzie adbyvajecca niešta niedarečnaje, absurdnaje.

Refryžeratarnaje prava (Refrigerator rights)

Sinonim vielmi blizkich adnosin; u litaralnym sensie prava zaleźci ŭ ladoŭniu biez dazvołu.

Sceničny zvanok (Stage-phoning)

Sproba zrabić ŭražańnie na ludziej pobač hutarkaj pa mabilnym.

Vikijalnaść (Wikiality — ad Wikipedia i «realnaść»)

Źjava, isnavańnie jakoj paćviardžajecca vialikaj kolkaściu spasyłak na jaje ŭ internecie.

Hiejdar (Gaydar — skaračeńnie ad «hiej-radar»)

Umieńnie chutka adroźnić hieja ad čałavieka hieteraseksualnaj aryjentacyi.

Haraž-Machał (Garage Mahal)

Šmatpaviarchovy haraž abo parkinh.

Baćki-viertaloty (Helicopter parents)

Baćki, jakija praźmierna apiakajuć svaich dziaciej i niby ŭvieś čas łunajuć nad imi.

Mak-nacy (Mac nazi)

Čałaviek, apantany praduktami kampanii Apple.

Hiniekabiblijafobija (Gynobibliophobia)

Nianaviść da žančyn-piśmieńnic.

Raspłyvistyja Kalady (Christmas creep)

Fienomien, pry jakim śviatkavańnie Kaladaŭ z kožnym hodam pačynajecca ŭsio raniej.

Mienaporš (Menoporsche — ad «mienapaŭza» i Porsche)

Strach pierad staraściu ŭ niekatorych mužčyn siaredniaha ŭzrostu, jaki charaktaryzujecca kuplaj spartyŭnaha aŭtamabila i sustrečami z zusim maładymi dziaŭčatami.

Chiejtryjatyzm (Hatriotism — ad «nianaviść» i «patryjatyzm»)

Pačućcie nianaviści da ludziej abo źjavaŭ, jakija naviazvaje ŭłada.

Brendalizm (Brandalism)

Zaviešvańnie haradskich fasadaŭ zvyrodlivymi rekłamnymi postarami.

PT (PT, Permanent tourist)

Piermanientnyja turysty zatrymlivajucca ŭ krainie tolki na toj termin, jaki dazvalaje im ličycca nierezidentami, a značyć, nie płacić padatki, nie prachodzić vajskovuju słužbu i h.d.

10 vieraśnia (September 10th)

Sinonim małaznačnaha i paŭsiadzionnaha.

Bijaaksesuar (Bio-accessory)

Čałaviek, jakoha biaruć u tavarystva ŭ jakaści vyhadnaha fonu.

Sindrom kiroŭcy aŭtobusa (Driving the bus)

Čałaviek, jaki vyrašyŭ u vychodnyja pajechać pa pakupki i ačomaŭsia napaŭdarozie da pracy.

Prezientyizm (Presenteeism)

Pačućcio viny, jakoje ŭźnikaje ŭ rabotnika, što adłučyŭsia z ofisa, chaj navat i z pryčyny chvaroby.

Sumka-nievidzimka (Stealth bag)

Sumka, pašytaja tak, kab niemahčyma było vyznačyć ni jaje canu, ni firmu, što jaje vyrabiła, ni vobraz patencyjnaha ŭładalnika.

Apraizacyja (Oprahization)

Uzrosłaja tendencyja spaviadacca na ludziach, čamu niamała paspryjała šou Opry Uinfry.

Kryzis čverci žyćcia (Quarter life crisis)

Stan, u jaki ŭpadajuć maładyja ludzi, jakija tolki skončyli navučańnie, pry sutyknieńni z darosłym śvietam.

Biaspłatny šopinh (Catch and release)

Kupla rečaŭ z adzinaj metaj: zdać ich i atrymać hrašovuju kampiensacyju, a taksama zadavalnieńnie ad šopinhu.

Ekaporna (Climate porn)

Uschvalavanaja i ekspresiŭnaja rytoryka, jakaja vykarystoŭvajecca padčas apisańnia klimatyčnych źmienaŭ na płaniecie.

Karaleva stała (Table queen)

Čałaviek, jaki patrabuje ŭ aficyjantaŭ pierasadzić jaho/iaje, kali ŭ restaranie vyzvalajecca lepšy stolik.

Płejlistyzm (Playlistism)

Dyskryminacyja pa prykmiecie muzyčnych prychilnaściaŭ u iTunes i inšych prajhravalnikach hukavych fajłaŭ.

Buba (Bobo — skaračeńnie ad bourgeois i bohemian)

Čałaviek, jaki, z adnaho boku, paśpiachova prasoŭvajecca pa karparatyŭnaj leśvicy, a z druhoha — pazicyjanuje siabie jak pradstaŭnika kontrkultury, heta značyć nosić peŭnuju vopratku i słuchaje peŭnuju muzyku.

Praletarski zanos (Proletarian drift)

Praces asvojvańnia rabočym kłasam brendaŭ, jakija kaliści asacyjavalisia vyklučna z najvyšejšymi słajami hramadstva.

Hłobiš (Globish — skaračeńnie ad global english)

Sproščanaja anhielskaja, jakuju vykarystoŭvajuć pradstaŭniki nieanhłamoŭnych krainaŭ.

Kamornaja muzyka (Closet music)

Muzyka, jakuju słuchajuć bieź śviedak, bajučysia kpinaŭ.

Puma, što razmaŭlaje (Conversational puma)

Čałaviek, jaki ŭvieś čas umiešvajecca ŭ razmovu sa słovami «Tak, ja viedaju!», «Ja vam zaŭsiody heta kazaŭ!», što robić hutarku vielmi ciažkaj.

Kinaterapija (Cinematherapy)

Toje ž, što i šopinh-terapija, ale ŭ hetym vypadku ad stresu prapanujecca pazbaŭlacca nie ŭ kramach, a ŭ kinateatrach.

Šokłoh (Shoclog)

Błoh, jaki viadziecca z raźlikam šakavać čytačoŭ.

Stomlenaść ad parolaŭ (Password fatigue)

Psichičnaja stomlenaść, vyklikanaja nieabchodnaściu pamiatać zanadta šmat parolaŭ.

Dziavočaja knopka (Girlfriend button)

Knopka «paŭza» na hulniavych prystaŭkach, jakuju naciskajuć maładyja ludzi, kali ich siabroŭcy chočacca pahavaryć.

Frankienfud (Frankenfood)

Ježa, pryhatavanaja z hienietyčna madyfikavanych praduktaŭ.

Technaseksuał (Technosexual)

Čałaviek, jaki razvažaje pra techničnyja navinki z entuzijazmam, ź jakim zvyčajna havorać pra seks.

Kuchonny propusk (Kitchen pass)

Dazvoł, jaki daje adzin z sužencaŭ druhomu, adpuskajučy jaho na viečarynku ci jašče kudyści.

Kresła hieteraseksuałaŭ (I'm not gay seat)

Pustoje miesca ŭ kinateatry, jakoje pakidajuć pamiž saboj dva maładyja čałavieki, dajučy navakolnym zrazumieć, što jany nie hiei.

Retrašopinh (Retro shopping)

Paraŭnańnie cenaŭ na adnu i tuju ž reč u roznych kramach užo paśla taho, jak hetaja reč nabytaja.

Aeranim (Plane name)

Vydumanaje imia, jakim nazyvajucca padčas avijapieralotu (u situacyi, kali znajomstva niepažadanaje).

Restaranny katalicyzm (Cafeteria Catholicism)

Admova ad naviedvańniaŭ kaviarniaŭ u piatnicy ŭ suviazi z tym, što ŭ kancy tydnia niekatoryja ź ich vykarystajuć pryhatavanyja ŭ pačatku tydnia stravy ŭ jakaści inhredyjentaŭ dla piatničnych.

Babuška (Babushka)

Miłaja bieskarysnaja reč nievialikaha pamieru.

Vałanturyzm (Voluntourism)

Turyzm z elemientami vałanciorskaj dziejnaści.

Ofisny muž (Office spouse)

Kaleha pa pracy, ź jakim uźnikajuć blizkija, ale nie ramantyčnyja adnosiny.

Blerbstytutka (Blurb whore)

Piśmieńnik, jaki ŭ abmien na svaju ŭchvalnuju mini-recenziju (pa-anhielsku Blurb) na advarocie čyjoj-niebudź knihi ci dyska atrymlivaje biaspłatnaje padarožža, abied u restaranie ci niešta takoje.

Ehakastynh (Egocasting)

Čytańnie tolki tych haziet i časopisaŭ, čyjo mierkavańnie supadaje z tvaim ułasnym.

Tekstavy masaž (Text massage — hulnia słovaŭ «massage» (masaž) i «message» (paviedamleńnie)

Telefon, jakija paviedamlaje pra pryjom sms u vibra-režymie.

Tryvožny zvanok (Ringxiety — ad słoŭ «tryvoha» i «zvanok»)

Zamiašańnie, u jakoje pryvodzić hrupu ludziej zvanok mabilnaha telefona, što niezrazumieła kamu naležyć.

Kamfort-TB (Comfort TV)

Pazbaŭlenyja intelektualnaha napaŭnieńnia telepieradačy, hałoŭnaja funkcyja jakich — supakoić.

Pakaleńnie Reset (Reset generation)

Maładyja ludzi, jakija, trapiŭšy ŭ ciažkaje stanovišča, addajuć pieravahu nie pošuku rašeńnia, a, jak u kampjutarnaj hulni, naciskańniu knopki Reset («skid») i pačynańniu spačatku.

Efiekt CNN (CNN effect)

Cpad ekanomiki padčas nadzvyčajnych padziej u śviecie, da jakoha pryvodzić masavaje siadzieńnie pierad televizarami i prahlad navinaŭ, jakija datyčać hetaj padziei.

Hryža na łyžy (Grays on trays)

Niemałady snoŭbardyst.

Taksičny chałaściak (Toxic bachelor)

Niežanaty mužčyna z kiepskim charaktaram.

Retraseksuał (Retrosexual)

Mužčyna, jaki tracić minimum hrošaj na harderob i vyhlad.

• 0
• 0
• 0
• 0
• 0
• 0
• 0
• 0