Ajciec Piotra Rudkoŭski naviedaŭ u kałonii palitviaźnia Eduarda Łobava
Śviatar, daminikanin ajciec Piotra Rudkoŭski 22 śniežnia naviedaŭ u Ivacevickaj kałonii «Voŭčyja nory» palitviaźnia, maładafrontaŭca Eduarda Łobava
Pavodle słovaŭ śviatara, Eduard Łobaŭ pačuvajecca nie vielmi dobra, «troški pryhniečana». Piotra Rudkoŭski celebravaŭ śviatuju Imšu ŭ kabiniecie adnaho z načalnikaŭ kałonii. Palitviazień paspaviadaŭsia i pryniaŭ śviatuju kamuniju.
Śviatar raspavioŭ taksama, što parazmaŭlać z Eduardam Łobavym nie było mahčymaści, pakolki, zhodna z praviłami kałonii, ź imi ŭvieś čas prysutničaŭ achoŭnik.
***
Eduard Łobaŭ i jahony paplečnik, kiraŭnik «Maładoha Frontu» Źmicier Daškievič sioleta byli asudžanyja na 4 i 2 hady turmy adpaviedna, nibyta za chulihanstva. Maładafrontaŭcy svajoj viny nie pryznajuć i zajaŭlajuć, što ichniaje źniavoleńnie — pravakacyja śpiecsłužbaŭ napiaredadni prezidenckich vybaraŭ 2010 hodu.
Kamientary