Šaŭčuk nabiraje 76% hałasoŭ, a Kaminski — 20%.
Pavodle papiarednich źviestak, u druhim tury prezidenckich vybaraŭ u Prydniastroŭi ź vialikim adryvam lidziruje były śpikier parłamienta niepryznanaj respubliki Jaŭhienij Šaŭčuk, a nie padtrymany Rasijaj ciapierašni śpikier Anatol Kaminski.
Ab hetym rasijskim infarmacyjnym ahienctvam paviedamili ŭ štabach kandydataŭ. Heta paćviardžajuć i papiarednija źviestki prydniastroŭskaha Centrvybarkama.
U stalicy Prydniastroŭja Ciraspali Šaŭčuk nabraŭ 71,88% hałasoŭ, a Kaminski — 18,34%,paviedamili Interfaksu ŭ CVK PMR. U Bienderach — druhim pa vieličyni horadzie Prydniastroŭja — suadnosiny hałasoŭ — 76,17%/15,78% na karyść Šaŭčuka.
«Razryŭ pamiž kankurentami značny, što dazvalaje kazać ab parazie ŭ druhim tury vybaraŭ. My zaniali hanarovaje druhoje miesca», — skazaŭ RIA Naviny pradstaŭnik štaba Kaminskaha Siarhiej Mielničenka.
Pavodle dadzienych, apublikavanych na sajcie Jaŭhiena Šaŭčuka, u cełym pa Prydniastroŭi jon nabraŭ 76,4% hałasoŭ, a Kaminski — 20,2%.
U pieršym tury prezidenckich vybaraŭ 11 śniežnia Anatol Kaminski nabraŭ 26,3% hałasoŭ, a Jaŭhien Šaŭčuk, — 38,5%.
Ihar Śmirnoŭ, što kiravaŭ Prydniastroŭjem ad 1991 h., nahadajem, nie prajšoŭ u druhi tur.
Kreml staviŭ na Kaminskaha
Da vybaraŭ Rasija, jakoj Prydniastroŭje šmat u čym abaviazana svaim isnavańniem, dała zrazumieć, što chacieła b sychodu Śmirnova, a vysokapastaŭlenyja maskoŭskija čynoŭniki niedvuchsensoŭna padtrymlivali Kaminskaha.
Tak, u siaredzinie kastryčnika Siarhiej Naryškin, były tady kiraŭnikom kramloŭskaj administracyi, adkryta paraiŭ niaźmiennamu lidaru niepryznanaj Prydniastroŭskaj Małdaŭskaj respubliki Iharu Śmirnovu nie iści na piaty prezidencki termin.
Ekśpierty tłumačyli pazicyju kramloŭskaj administracyi niezhavorlivaściu Śmirnova ŭ pieramoŭnym pracesie ŭ Prydniastroŭi i adznačali žadańnie Rasii jak maha chutčej urehulavać kanflikt.
«Novuju siłu», jakuju Kreml chacieŭ by bačyć na čale Prydniastroŭja, Naryškin nazvaŭ pa imieni i proźviščy — heta byŭ kandydat ad partyi «Abnaŭleńnie» Anatol Kaminski.
Za dva dni da vybaraŭ kiraŭnik prydniastroŭskaha KDB (jak i ŭ Biełarusi, jano nazyvajecca KDB) nazvaŭ Šaŭčuka ahientam Małdovy.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary