Prezident Vieniesueły vinavacić Vašynhton u stvareńni sakretnaj technałohii, što vyklikaje rakavyja chvaroby.
Prezident Vieniesueły Uha Čaves padazraje Złučanyja Štaty ŭ stvareńni sakretnaj technałohii, jakaja dazvalaje vyklikać rakavyja chvaroby ŭ niepažadanych lidaraŭ łacinaamierykanskich krainaŭ.
Dniami stała viadoma, što ŭ prezidenta Arhienciny Krystyny Fernandes de Kiršner znajšli puchlinu ščytapadobnaj załozy.
Uha Čaves, u jakoha taksama byŭ rak, patelefanavaŭ joj pieršym.
Na nastupny dzień jon vykazaŭ svajo mierkavańnie adnosna ŭpłyvu ZŠA na stan zdaroŭja palityčnych apanientaŭ.
Rak znajšli i ŭ parahvajskaha lidara Fiernanda Łuhi, prezidenta Brazilii Dyłmy Rusef, a taksama jaje papiarednika na hetaj pasadzie Łuiša Inaśju Łuły da Siłvy. Pavodle Čavesa, heta «vielmi dziŭnyja» supadzieńni, pry hetym jon adznačyŭ, što heta nie «paśpiešlivyja abvinavačvańni», a prosta dumki ŭsłych.
Prezident Vieniesueły dadaŭ, što zhadanyja vypadki «ciažka rastłumačyć prostym zakonam imaviernaści».
«Kali b jany raspracavali technałohiju stymulavańnia rakavych zachvorvańniaŭ, i nichto pra heta nie viedaŭ, heta vyhladała b dziŭna?» – z takim pytańniem Čaves źviarnuŭsia da vajskoŭcaŭ vajennaj bazy ŭ svajoj pramovie, jakuju pakazali pa telebačańni.
Prezident Vieniesueły adznačyŭ, što ŭ 1940-ch hh. navukoŭcy amierykanskaha ŭrada zaražali pałonnych hvatemalcaŭ sifilisam dy inšymi chvarobami, a śviet daviedaŭsia pra heta tolki letaś. Jon jašče i pažartavaŭ, što ciapier prezidentam Balivii dy Ekvadora – Eva Maralesu i Rafaelu Karea – treba być asabliva aściarožnymi.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary