Na dvuchpaviarchovym asabniaku jašče zachavałasia lapnina, pobač — čara dla basiejnu.
Žyły pałacyk u Ašmianach naležaŭ čałavieku, jaki ŭvachodziŭ u tryccatku samych bahatych ludziej Biełarusi.
Na dvuchpaviarchovym asabniaku jašče zachavałasia charakternaja dla pačatku XX stahodździa biełaja lapnina. Unutrany dvor z kałonami, adkrytaja vieranda, vykładzienaja z cemientu čara dla basiejna. Siadzibny dom da hetaha času atačaje kamiennaja aharodža, zroblenaja na stahodździ, z kałonami na miescy ŭjaznych varot.
U muziei vioski Budzionaŭka (raniej jana nazyvałasia Śviaty Duch) zachavalisia ŭspaminy miascovaj žycharki, jakaja chadziła na pracu ŭ majontak Struhača i apisała byłoje charastvo panskaj siadziby — kvietniki ź dziŭnymi kvietkami, ciaplicy, u jakich raśli niazvykłyja dla tutejšych miescaŭ raśliny, vialikija płantacyi kłubnic, basiejn z załatymi rybkami.Jašče niadaŭna paštaljony znachodzili hety dom pa adrasie: pasiołak Školny, dom 10. Zamiest pasiołka ciapier vulica Školnaja ŭ rajcentry. Choć, mabyć, spraviadliva było b nazvać hetuju vulicu imiem Lejba Struhača — čałavieka, jaki zrabiŭ dla Ašmianaŭ niamała. Mienavita kupiec Struhač na bierazie raki Ašmianka pabudavaŭ vytvorčyja cechi Ašmianskaha draždžavoha zavoda — pieršaha bujnoha pradpryjemstva ŭ Ašmianach, jakoje ŭ 1881 hodzie dało pradukcyju. Pobač jon pabudavaŭ draŭlany dom dla pracoŭnych.
A dla svajoj siamji Struhač uźvioŭ cudoŭny siadzibny dom niedaloka ad vioski Śviaty Duch. U 1913 hodzie «Tavarystva Ł. Struhača» (
Siońnia niekali znakamity i dychtoŭny dom znachodzicca ŭ vartym žalu stanie.
Hramadskaja dumka ŭ Ašmianach nadziva adnadušnaja: znosić siadzibu Struhača ni ŭ jakim razie nielha. Što ŭ rekanstrukcyju nieabchodnyja inviestycyi, i niemałyja, vidavočna. Varyjanty prapanoŭvalisia roznyja. U tym liku i vystavić histaryčny budynak na aŭkcyjon. Ale dla hetaha ŭłaśnik — adździeł adukacyi rajvykankama — pavinien pierasialić u inšaje pamiaškańnie žycharoŭ: u stohadovym domie Struhača da hetaha času žyvuć dźvie siamji, choć dom pryznany nieprydatnym dla pražyvańnia. Potym treba budzie vyvieści pamiaškańnie z razradu žyłych — na ŭsio heta patrebnyja srodki.
Alaksandr Šymkus, načalnik adździełažyllova-kamunalnaj haspadarki rajvykankama, uściešyŭ dobraj viestkaj: da histaryčnaha budynka vykazaŭ cikavaść salidny inviestar, jaki płanuje paśla rekanstrukcyi adkryć tut bazu adpačynku.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj82
Kamientary