Płanujecca pavialičyć staŭku adzinaha padatku dla pradprymalnikaŭ u 2,5—3 razy
«Adkul ułady ŭziali, što ŭ IP nastolki ž uzraśli dachody, kab płacić taki padatak?», — dziviacca pradprymalniki.
paviedamiŭ BiełaPAN staršynia kaardynacyjnaha savieta indyvidualnych pradprymalnikaŭ Anatol Źmitrovič.
«Pa majoj infarmacyi, u abłvykankamy ź Ministerstva pa padatkach i zborach pryjšli novyja staŭki adzinaha padatku. I hetyja staŭki płanujecca pavysić u 2,5–3 razy. Ale adkul ułady ŭziali, što ŭ IP nastolki ž uzraśli dachody, kab płacić taki padatak? « — zajaviŭ Źmitrovič.
Pavodle jaho słoŭ, dachody pradprymalnikaŭ nie tolki nie ŭzraśli, a ŭpali, tamu što rezka ŭpała pakupnickaja zdolnaść nasielnictva, asabliva na niecharčovyja tavary. «I pakupnickaja zdolnaść upadzie jašče bolš paśla rostu taryfaŭ na pasłuhi ŽKH. I što tady budzie ź IP paśla rostu staŭki adzinaha padatku i raschodaŭ na arendu ŭ suviazi z čakanym rostam u try razy bazavaj vieličyni?» — zadaŭsia pytańniem Źmitrovič.
Pry hetym jon padkreśliŭ, što pradprymalniki nie zmohuć kampiensavać dadatkovyja zatraty, kab zapłacić padatki, arendu, kamunalnyja pasłuhi, za košt źnižeńnia cany na tavary dla ich najchutčejšaj realizacyi. «Tak pracavać nie atrymajecca. Heta buduć čystyja straty», — zaznačyŭ Źmitrovič.
Na dumku ekśpierta, pavyšeńniem u 2,5–3 razy staŭki adzinaha padatku ŭłady prymušajuć pradprymalnikaŭ, jakija vypłačvajuć hety padatak, pierachodzić na inšyja formy padatkaabkładańnia, takija jak sproščanaja sistema ci padachodny padatak.
«Va ŭładaŭ užo jość vopyt prymusu. Pamiatajecca, jany zahaniali IP u pryvatnyja ŭnitarnyja pradpryjemstvy»,— zaznačaje Źmitrovič. I čynoŭniki, pavodle jaho słoŭ, kiravalisia pry hetym łohikaj: «my zabiarem u IP prava najmu asob nie ź liku svajakoŭ, i im nie budzie kudy padziecca, pojduć u PUPy, jak mileńkija». «Zaraz situacyja moža paŭtarycca. Pradprymalniki nie zmohuć płacić takija padatki», — kanstatuje ekśpiert.
Na dumku Źmitroviča, prymušajučy pradprymalnikaŭ, jakija vypłačvajuć adziny padatak, pierachodzić na inšyja formy padatkaabkładańnia, ułady chočuć źnizić abjomy impartu za košt IP. Navat niahledziačy na toje što ŭ ahulnym abjomie impartu dola IP usiaho 3%.
Ekśpiert padkreślivaje, što IP, jakija, naprykład, pracujuć pa sproščanaj sistemie padatkaabkładańnia, vymušany pakazvać usie dakumienty pa ŭvozie tavaru, kab potym im raźličvali padatki. «Z tych, chto vypłačvaje adziny padatak, nie patrabujuć dakumientaŭ. Jon zapłaciŭ adziny padatak i spakojna pracuje, uvoziačy impart pavodle svajho mierkavańnia. Ale, vidać, takija mahčymaści ŭłady chočuć abmiežavać», — padazraje Źmitrovič.
«Čynoŭniki atrymali zadańnie źvierchu — źnizić impart. A kali ŭ ich spytajuć, jakija miery dla hetaha pryniaty, jany skažuć: «My ŭstanavili vysokija padatkovyja staŭki dla pradprymalnikaŭ»,— dadaŭ jon.
Z hetaha ekśpiert robić vysnovu, što «libieralizacyja ŭ Biełarusi zakončyłasia». «Uličvajučy paharšeńnie ŭmoŭ dla viadzieńnia biźniesu, pradprymalniki pačnuć źjazdžać u inšyja krainy, što ŭ pryncypie ŭžo i adbyvajecca», — skazaŭ jon.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary