Плануецца павялічыць стаўку адзінага падатку для прадпрымальнікаў у 2,5—3 разы
«Адкуль улады ўзялі, што ў ІП настолькі ж узраслі даходы, каб плаціць такі падатак?», — дзівяцца прадпрымальнікі.
паведаміў БелаПАН старшыня каардынацыйнага савета індывідуальных прадпрымальнікаў Анатоль Змітровіч.
«Па маёй інфармацыі, у аблвыканкамы з Міністэрства па падатках і зборах прыйшлі новыя стаўкі адзінага падатку. І гэтыя стаўкі плануецца павысіць у 2,5–3 разы. Але адкуль улады ўзялі, што ў ІП настолькі ж узраслі даходы, каб плаціць такі падатак? « — заявіў Змітровіч.
Паводле яго слоў, даходы прадпрымальнікаў не толькі не ўзраслі, а ўпалі, таму што рэзка ўпала пакупніцкая здольнасць насельніцтва, асабліва на нехарчовыя тавары. «І пакупніцкая здольнасць упадзе яшчэ больш пасля росту тарыфаў на паслугі ЖКГ. І што тады будзе з ІП пасля росту стаўкі адзінага падатку і расходаў на арэнду ў сувязі з чаканым ростам у тры разы базавай велічыні?» — задаўся пытаннем Змітровіч.
Пры гэтым ён падкрэсліў, што прадпрымальнікі не змогуць кампенсаваць дадатковыя затраты, каб заплаціць падаткі, арэнду, камунальныя паслугі, за кошт зніжэння цаны на тавары для іх найхутчэйшай рэалізацыі. «Так працаваць не атрымаецца. Гэта будуць чыстыя страты», — зазначыў Змітровіч.
На думку эксперта, павышэннем у 2,5–3 разы стаўкі адзінага падатку ўлады прымушаюць прадпрымальнікаў, якія выплачваюць гэты падатак, пераходзіць на іншыя формы падаткаабкладання, такія як спрошчаная сістэма ці падаходны падатак.
«Ва ўладаў ужо ёсць вопыт прымусу. Памятаецца, яны заганялі ІП у прыватныя ўнітарныя прадпрыемствы»,— зазначае Змітровіч. І чыноўнікі, паводле яго слоў, кіраваліся пры гэтым логікай: «мы забярэм у ІП права найму асоб не з ліку сваякоў, і ім не будзе куды падзецца, пойдуць у ПУПы, як міленькія». «Зараз сітуацыя можа паўтарыцца. Прадпрымальнікі не змогуць плаціць такія падаткі», — канстатуе эксперт.
На думку Змітровіча, прымушаючы прадпрымальнікаў, якія выплачваюць адзіны падатак, пераходзіць на іншыя формы падаткаабкладання, улады хочуць знізіць аб’ёмы імпарту за кошт ІП. Нават нягледзячы на тое што ў агульным аб’ёме імпарту доля ІП усяго 3%.
Эксперт падкрэслівае, што ІП, якія, напрыклад, працуюць па спрошчанай сістэме падаткаабкладання, вымушаны паказваць усе дакументы па ўвозе тавару, каб потым ім разлічвалі падаткі. «З тых, хто выплачвае адзіны падатак, не патрабуюць дакументаў. Ён заплаціў адзіны падатак і спакойна працуе, увозячы імпарт паводле свайго меркавання. Але, відаць, такія магчымасці ўлады хочуць абмежаваць», — падазрае Змітровіч.
«Чыноўнікі атрымалі заданне зверху — знізіць імпарт. А калі ў іх спытаюць, якія меры для гэтага прыняты, яны скажуць: «Мы ўстанавілі высокія падатковыя стаўкі для прадпрымальнікаў»,— дадаў ён.
З гэтага эксперт робіць выснову, што «лібералізацыя ў Беларусі закончылася». «Улічваючы пагаршэнне ўмоў для вядзення бізнесу, прадпрымальнікі пачнуць з’язджаць у іншыя краіны, што ў прынцыпе ўжо і адбываецца», — сказаў ён.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў8
Каментары